Xose Mariya Mendez: "Saudiya Arabistoni haqida malumotlar etarli"
30 jan 2016 17:00
Yangiliklar
Xose Mariya Mendez: "Saudiya Arabistoni haqida malumotlar etarli"
- Bugungi o'yin haqida fikrlaringiz.
- Uchrashuv juda ham yaxshi o'tdi, bunday o'yinlarni ko'proq o'ynashimiz kerak chunki futzalchilarimizda o'ziga ishon bo'lishi uchun shunday bahslar kerak. SHogirdlarim bugun o'z o'yinini ko'rsatdi.
- Mashg'ulotlar jarayonida nimalarga ko'proq etibor qaratyapsizlar?
- Hozirgi mashg'ulotlarda asosan qolib ketgan narsalar ustida ishlayapmiz, misol uchun standart vaziyatlar, himoyadagi va hujumlardagi kamchiliklar ustida. Musobaqa boshlanishiga 10 kun qoldi, hozir aynan shular ustida ishlayapmiz.
- Saudiya Arabistoni terma jamoasi haqida qanday malumotga egasiz?
- Saudiya Arabistonining Malayziyada o'tkazgan uchta o'yini yozilgan disklari bor, ularni o'rganib chiqyapmiz. Menimcha ularning futzalchilari ham, murabbiy ham o'zgarmagan, 4 oy oldin qay darajada o'ynagan bo'lsa hozir ham ularning o'yin uslubi o'zgarmagan bo'lishi kerak. Ayni damda ular o'rtoqlik o'yini o'tkazayotgan bo'lsa kerak.
- Nima uchun musobaqa boshlanishiga oz qolganida Iordaniya terma jamoasi bilan o'rtoqlik uchrashuvi rejalashtirilgan?
- Sababi Saudiya Arabistoning o'yin uslubi Iordaniya terma jamoasining o'yin uslubiga o'xshaydi. SHuning uchun mana shu o'rtoqlik o'yini rejalashtirilgan. Buni ancha oldin rejalashtirib qo'ygandik.
Jahongir Sotvoldiev suhbatlashdi.
Fikrlar