Xavi APL jamoasini boshqarishi mumkin

Ispaniyalik mutaxassis "Manchester Yunayted"da Ruben Amorimning o'rnini egallashi mumkin. 

Eslatib o'tamiz, MYU ayni vaqtda APLda 5-turdan so'ng 7 ochko bilan turnir jadvalining 11-o'rnida ketmoqda. 

Avvalroq, Xaviga "Bayer"dan taklif bo'lgandi, biroq ispaniyalik mutaxassis ushbu taklifni rad etgan.

45 yoshli mutaxassis Kataloniya klubini 2021 yilning noyabridan 2024 yilning iyunigacha boshqargan. Shu vaqt ichida u 2022/23 yilgi mavsumda La Ligada "Barselona"ni chempionlikka olib chiqishga va Ispaniya Superkubogini qo'lga kiritishga muvaffaq bo'ldi. Xavi Ispaniyada ishlashdan oldin Qatarning "Al Saad" jamoasida faoliyat yuritgan.