"Xalqim uchun "Oltin to'p"ni qo'lga kiritishni istardim" - Muhammad Saloh

Mavsumning avvalida "Liverpul" to'rtta sovrin uchun kurash olib borganda, Saloh individual mukofot uchun asosiy nomzodlardan biri sifatida baholangandi. Biroq "qizillar" Chempionlar Ligasidan chiqib ketganidan so'ng misrlik futbolchining imkoniyatlari kamaydi. Saloh o'zining imkoniyatlari va "Oltin to'p"ni qo'lga kiritish istagi haqida fikr bildirar ekan, quyidagilarni aytdi:

"Bu mening ixtiyorimda emas, lekin, albatta, bir kun kelib xalqim uchun "Oltin to'p"ni qo'lga kiritishni istardim. Misr qishlog'ida tug'ilganingda, bolalikda bunday mukofotni orzu qilish ham mushkul. Faqat "Liverpul"ga o'tganimdan keyingina bu haqda o'ylay boshladim. Ammo uni qo'lga kiritolmasam ham, faoliyatim baribir muvaffaqiyatli o'tgan bo'ladi.

Hali 32 yoshdaman, oxirgi g'oliblarning bir necha nafari o'ttiz yoshlar atrofida edi. Xo'sh, kim bilsin? Keyingi mavsum juda qiziqarli o'tishi kutilmoqda – "Liverpul" bilan chempionlik unvonini himoya qilamiz, Chempionlar Ligasida g'alabaga intilamiz, Misr bilan Afrika Kubogida qatnashamiz, Jahon chempionati bo'ladi", – dedi Saloh.

Takidlash joiz, hujumchi ushbu mavsum "Liverpul" safida 50 o'yinda 33 ta gol urdi va 23 ta golli pas uzatdi.