Xalq orasidan chiqqan Botir

O'tgan turlarda ikkita sariq kartochka olib bugungi bahsni o'tkazib yuborgan Botir Rizaev bilan suhbatlashishga qaror qildik. Botir bu yil O'FA tomonidan o'tkazilgan tanlovda ishtirok orqali terma jamoa azosiga aylanganini alohida takidlash lozim.

- Botir, tanlov haqida qaerdan eshitgandingiz?
- O'zbekiston futzal associaciyasining tanlovi haqida internetda,  championat.asia saytida o'qib o'zimni sinab ko'rishni istadim. Kelib tanlovda ishtirok etdim va murabbiylarda iliq taassurot qoldirdim shekilli terma jamoaga chaqirishdi. Vatanim terma jamoasi sharafini himoya qilish har bir yigitning orzusi bo'lsa kerak. SHunday imkoniyatga ega bo'lganimdan faxrlanaman.

- O'zingiz haqingizda qisqa gapirib bering.
- O'zim Jizzax viloyatida tug'ilganman. Oilamiz katta. 6 nafar farzandning eng kichigi menman. Jizzaxdan Jasur Hasanov va Sardor Rashidov kabi futbolchilar etishib chiqishgan.

- Keyingi turdagi Qatar bilan uchrashuv haqida qanday fikrdasiz?
- Keyingi turda Qatarga qarshi o'yin o'tkazamiz. Hali guruhda birinchi o'rinni olmadik, shu bois bu o'yinda ham bor kuchimiz bilan o'ynashimiz kerak. Raqib safida mahalliylashtirilgan futzalchilarning borligi bizga tasir qilmaydi. O'z o'yinimizni ko'rsatsak ko'zlangan natijaga erishamiz.

Abdurahmon Fozilov
Bangkok, Tailand.