Volkov "Navbahor"da ish boshladi

Muxlislarimizga “Bunyodkor” klubidagi va milliy terma jamoamizdagi faoliyati orqali yaxshi tanish bo'lgan Aleksandr Volkov mavsum ikkinchi yarmini “Navbahor”da o'tkazadigan bo'ldi.

Ikkinchi davradagi natijalarni yaxshilash maqsadida Volkov jamoamizda jismoniy tayyorgarlik bo'yicha murabbiy sifatida ish yuritadi.

Bosh murabbiy Baxtiyor Ashurmatovni ham jamoada qolish yoki qolmasligi borasidagi savollar yuzaga kelgandi.

Ashurmatov Namangan viloyati hokimi bilan bo'lib o'tgan uchrashuv chog'ida “Navbahor”dagi faoliyati borasida kelishib olindi. Yani Ashurmatov jamoada boshlagan ishini mavsum oxiriga qadar davom ettiradigan bo'ldi.

Mavsum arafasida Qo'qonning “Qo'qon-1912” jamoasiga ijaraga berilgan himoyachi Qahramon Mahammadjonov jamoa safiga qaytadigan bo'ldi. Mahammadjonov ertaga CHirchiqda bo'lib o'tadigan mashg'ulotlarda ishtirok etishni boshlaydi.


"Navbahor" klubi matbuot xizmati