Vohid Xolboev: "Yozyovon-Lochinlari" jamoasi menda iliq taassurot qoldirdi"

- Uchrashuv yaxshi o'tdi. Maydonning holatini aytmasa, o'yin qiziqarli kechdi. Dastlabki besh daqiqada gol o'tkazib yuborganimiz yakunda pand berdi. Undan keyin mezbonlar darvozasini ishg'ol qilish uchun bir qator imkoniyatlarga ega bo'ldik, biroq ulardan foydalana olmadik. Aytish kerak, "Yozyovon-Lochinlari" jamoasi menda iliq taassurot qoldirdi. Raqib safida yaxshi hujumchi va yarim himoyachilar borligi ko'rinib turibdi. O'zimizning jamoa haqida gapiradigan bo'lsam, yigitlar 8:1 hisobidagi g'alabadan keyin o'zlarini bo'sh qo'yvorgani yo'q. Mag'lubiyatning sababi bu emas. SHunchaki, yagona gol o'yin taqdirini hal qildi. SHogirdlarim esa, bahsdan-bahsga o'z o'yinlarini yaxshilab borishmoqda, - deydi Xolboev.