"Vodiy futboli". "Qo'qon-1912" g'alabasiz seriyaga barham berdi

"Neftchi" 642 kunlik tanaffusdan so'ng yirik hisobda yutqazdi

Farg'onaning "Neftchi" klubi oliy liganing 16-turida G'uzorda "SHo'rtan" mehmoni bo'lib 1:4 hisobida yutqazib qo'ydi.

SHu tariqa, jamoa bu mavsumdagi birinchi bor yirik hisobda mag'lub bo'ldi. "Neftchi" oliy ligada so'nggi bor 2013 yilgi mavsumning 24-turida "Paxtakor"ga yirik hisobda imkoniyatni boy berib qo'ygan edi.

"Neftchi" 16ta o'yindan so'ng 33 ochko to'plab musobaqa jadvalining 5-pog'onasida bormoqda.


"Qo'qon-1912" etti o'yinlik g'alabasiz seriyasiga barham berdi

Kecha "Qo'qon-1912" o'z maydonida "Dinamo"ni qabul qilib 3:1 hisobida taslim qildi.

Rustam Abdullaev shogirdlari bundan oldin oxirgi marta 9-turda g'alaba qozonishgan va ketma-ket 7ta uchrashuvda (6 mag'lubiyat va 1 durang) raqibni mag'lub eta olishmadi.

Jamoa 14 ochko bilan musobaqa jadvalining 12-pog'onasida bormoqda.


"Andijon": Ketma-ket to'rtinchi bor o'z maydonimizda "Nasaf"ga yutqazdik

Edgar Gess boshchiligidagi "Andijon" klubi o'z maydonida "Nasaf"ni qabul qilib 0:1 hisobida yutqazib qo'ydi.

"Burgutlar" oxirgi marta 2010 yil o'z uyida bu raqibni mag'lub eta olishgan edi. SHundan keyin bo'lib o'tgan ketma-ket to'rtta bahsda "ajdarlar" vodiydan g'alaba bilan qaytishdi.

Andijonda o'tgan so'nggi to'rt uchrashuv:
02.08.2015 Andijon - Nasaf 0:1
23.05.2014 Andijon - Nasaf 0:1
05.10.2012 Andijon - Nasaf 3:4
05.11.2011 Andijon - Nasaf 0:4


"Navbahor": Bugun "Mashal"ga qarshi o'ynaymiz

Oliy liganing 16-turida Namanganning "Navbahor" klubi Muborakda "Mashal" klubi mehmoni bo'ladi.

O'yin soat 18:30da Bahrom Vafoev nomidagi stadionda bo'lib o'tadi.

“Mashal” va “Navbahor” oliy ligada jami 29 bora to'qnash kelishgan. Natijalar muborakliklarning ustunligini ko'rsatmoqda. “Mashal” 12ta o'yinda zafar quchgan, 6ta o'yinda durang qayd etilgan. “Navbahor” hisobi 11ta g'alaba bor.

Birinchi turda Namanganda o'tgan bahsda “Mashal” 2:0 hisobida g'alaba qozongan. Vladislav Ivanov va SHoxrux Dostonovning gollari Muborak klubiga uch ochko keltirgan edi.

Bu jamoalarning Muborakda o'tgan o'yinlarida “Mashal” 9 bor zafar quchgan. Uch bor g'olibni aniqlashning imkoni bo'lmagan. “Navbahor” hisobida 2ta g'alaba mavjud. So'nggi marta “Navbahor” Muborakdan 2004 yil g'alaba bilan qaytgan. SHundan keyin tashkil etilgan 9ta uchrashuvda “Mashal” o'z uyida bu jamoani faqat mag'lub etgan.