"Vodiy futboli": "Neftchi" qora ananaga barham berdi

"Neftchi": 7 yildan so'ng "Qizilqum"ga safarda yutqazmadik

Farg'onaning "Neftchi" klubi kecha Navoiyda "Qizilqum" mehmoni bo'ldi. So'nggi bor 2008 yil ushbu jamoani safarda mag'lub etgan farg'onaliklar 6 yil davomida faqat mag'lub bo'lishdi. Kechagi durang orqali (0:0) qora ananaga barham berildi.

Murod Ismoilov shogirdlari birinchi davrani 3-o'rinda yakunlashdi.  


"Qo'qon-1912": O'z maydonimizda "Bunyodkor"ga yutqazdik

Toshkentning "Bunyodkor" klubini qabul qilgan "Qo'qon-1912" jamoasi o'z muxlislari qarshisida 0:1 hisobida mag'lub bo'ldi.

Jamoa dastlabki davradagi oxirgi o'yinni 5 iyul kuni "Paxtakor" bilan o'ynaydi.

Rustam Abdullaev boshchiligidagi jamoa 14ta o'yindan so'ng 10 ochko to'plab 14-o'rinda bormoqda.


"Navbahor": Birinchi davradagi eng yirik mag'lubiyatni qabul qilib oldik

Namanganing "Navbahor" klubi Toshkentda "Lokomotiv" klubi mehmoni bo'lib 1:5 hisobida mag'lub bo'ldi. Ushbu natija dastlabki davrada oliy ligada qayd etilgan eng yirik hisob bo'ldi.

Xuddi shu hisob "Metallurg" - "Andijon" o'rtasidagi o'yinda qayd etilgandi.

"Navbahor" birinchi davrada 18 ochko jamg'arib musobaqa jadvalining 9-pog'onasidan o'rin oldi.


"Andijon": "Paxtakor"ga yutqazdik

Edgar Gess boshchiligidagi "Andijon" klubi o'z maydonida "Paxtakor"ni qabul qilib 0:1 hisobida imkoniyatni boy berib qo'ydi.

SHu tariqa, "burgutlar" 11 ochko bilan musobaqa jadvalining 13-pog'onasida borishmoqda.