"Vodiy futboli": "Navbahor"da durang, "Andijon"da mag'lubiyat

"Andijon": "Bunyodkor"ga yirik hisobda yutqazdik

“Andijon” jamoasini Toshkentda o'tkazayotgan tayyorgarligi davom etmoqda. Jamoa kecha “Bunyodkor” klubiga qarshi o'rtoqlik uchrashuvini o'tkazdi. O'yinda Edgar Gess boshchiligidagi jamoa 1:4 hisobida yutqazib qo'ydi. Yagona golni Anvar Berdiev penaltidan sobiq jamoasi darvozasiga urdi.

Bugun "burgutlar" “Olmaliq” o'rinbosarlari bilan kuch sinashadi. Uchrashuv soat 18:00da Qibraydagi stadionda bo'lib o'tadi. 26 iyul kuni esa Dukentda “Dinamo” jamoasiga qarshi o'yin bo'lib o'tadi.


"Navbahor": "Dinamo" bilan durang

Namanganning "Navbahor" klubi kecha Samarqandning "Dinamo" klubiga qarshi o'rtoqlik uchrashuvini o'tkazdi.

Baxtiyor Ashurmatov boshchiligidagi jamoa uchrashuvda 2:2 hisobida durang o'ynadi. SHahboz Erkinov va Robbim Hasanov samarqandliklar darvozasini ishg'ol qilishdi. Tarkibda Akmal Ortiqov, Alibobo Rahmatullaev, Navro'z Alimov kabi yangi futbolchilar maydonga tushishdi.

Endi "lochinlar" 26 iyul sanasida esa G'uzorning “SHo'rtan” jamoasi bilan kuch sinashadi.

"Navbahor" - "Dinamo" 2:2
Gollar: SHahboz Erkinov, Robbim Hasanov - Hamdamov, Magerramov
Uchrashuvda "Navbahor" tarkibi quyidagicha bo'ldi: Akmal Ortiqov, Alisher Samatov, Bobir Akbarov, Azim Ahmedov, Robbim Hasanov, Dilshod Jabborov, Tohir SHamsiddinov (Rahmatillo Berdimurodov), Ilhom Boydedaev, Alisher Mahmudov (G'ayrat Jo'raev), SHahboz Erkinov, Alibobo Rahmatullaev (Navro'z Alimov).


"Qo'qon-1912": Haydarov, Nurboev, Qobilov va Komilov bilan shartnoma tuzildi

Rustam Abdullaev boshchiligidagi "Qo'qon-1912" jamoasi ikkinchi davraga tayyorgarlikni davom ettirmoqda. Jamoa safida ko'rikda bo'lgan qozog'istonlik Aleksandr Kirov tibbiy ko'rikdan o'ta olmay o'z yurtiga qaytib ketdi.

Otabek Haydarov, Aybek Nurboev (ikkisi "Neftchi"), Suhrob Qobilov va Ilhom Komilovlar (ikkisi "So'g'diyona") ikkinchi davrani “Qo'qon-1912” jamoasi safida o'tkazishadi.