"Vodiy futboli". Bugun "Qo'qon-1912" - "Neftchi" uchrashuvi

“Neftchi”: Javohir Rasulov kecha oyog'ini operaciya qildirdi
“Nasaf”ga qarshi kechgan oyinda oyog'ining tizza qismidan jarohat olgan Javohir Rasulovning keyinchalik ushbu jarohat asorati qiynab kelayotgandi. Kecha futbolchi Toshkentdagi shifoxonalarning birida operaciya stoliga yotdi.
- Yaratganga shukr, operaciya muvaffaqiyatli o'tdi. 10 kun davomida hassada yuraman. Nasib qilsa 20 kunda to'p bilan ishlab, umumiy guruhga qo'shilaman deydi - Rasulov.

"Qo'qon-1912": Bugun derbi
Bugun Qo'qonda vodiy derbisi bo'lib o'tadi. Mahalliy "Qo'qon-1912" jamoasi o'z maydonida "Neftchi"ni qabul qiladi. Uchrashuv soat 18:00 da boshlanadi.

Hozirga kelib “Qo'qon-1912” hisobida 10 ochko, “Neftchi” hisobida esa 26 ochko bor. Bugungi o'yinga barcha muxlislarni taklif qilib qolamiz.

“Navbahor”: “Qizilqum”ga imkoniyat boy berildi

Kecha oliy liganing 13-turida Navoiyda “Qizilqum” mehmoni bo'lgan Namanganning “Navbahor” klubi 2:3 hisobida yutqazib qo'ydi. “Lochinlar” safida ikkala golga ham Mo'ydin Mamazulumov mualliflik qildi. SHu tariqa “Navbahor”ning 3ta o'yinlik mag'lubiyatsiz seriyasi yakuniga etdi. Jamoa keyingi turni o'z maydonida “SHo'rtan”ga qarshi o'tkazadi.

“Andijon”: Ertaga “Bunyodkor”ga qarshi o'yin

“Burgutlar” “Bunyodkor” bilan 14 bor kuch sinashishgan. “Bunyodkor” 11ta o'yinda g'oliblik nashidasini surishgan. 3ta o'yin durang bilan yakunlangan. “Andijon” o'z tarixida bu raqibni umuman enga olmagan. Ertangi bahs 18:30da “Sog'lom Avlod” stadionida boshlanadi.

“Andijon” 12ta turdan so'ng 11 ochko to'plab musobaqa jadvalining 12-pog'onasida bormoqda.