Vetnamdan xabarlar

Bir soatdan ko'proq vaqt davom etgan mashg'ulotlar mobaynida vetnamlik ko'plab OAV terma jamoamiz bilan suhbatlashishga harakat qilishdi. Bu haqda O'zbekiston Milliy terma jamoasi rasmiy tvitteri xabar bermoqda.

Mashg'ulotlar vaqtida terma jamoamiz texnik direktori Rustam Akramov Vetnam televedeniyasiga  qisqa intervyu berib o'tdi.

"Vetnam terma jamoasi menda juda yaxshi taasurot qoldirgan. Umuman olganda Vetnamda futbol juda tez rivojlanmoqda. Delegaciyamiz yaxshi kutib olindi. Hech qanday tashkiliy muammolarga duch kelmayapmiz. Buning uchun Vetnam futbol Federaciyasiga rahmat!" - deya fikrlarini bildirib o'tadi Rustam Akramov

Bugun terma jamoamiz azosi SHavkat Salomov o'zining 28 yoshini qarshi oldi. Terma jamoamizni barcha azolari Salomovni tabriklab o'tdi. Terma jamoamiz bosh murabbiyi Mirjalol Qosimov SHavkatga omad, sog'lik, baxt tiladi.