Ўйиндаги биринчи голга ҳужумчи Тимо Вернер муаллифлик қилди. Хавертцнинг зарбасидан сўнг тўп дарвоза тўсинига тугди ва Вернер ушбу вазиятда бўш қолган дарвозага боши билан зарба берди ва ҳисобни очди.
Бу германиялик футболчи учун "Челси" сафида ЕЧЛдаги тўртинчи гол бўлди. Унинг турнирдаги 7 та ўйиндан иборат голсиз серияси якунига етди. Вернер сўнгги маротаба 4 ноябрь куни "Ренн" жамоасига қарши ўйинда дубль қайд этганди.
