Venger: "Tottenxem" 20 yilda bir marta "Arsenal"ni turnir jadvalida ortda qoldiryapti"

"Bu mavsumda hech narsa yakunlangani yo'q, ko'ramiz, yakunda nima bo'lar ekan. "Tottenxem" mavsumni yaxshi o'tkazdi. Ularning jamoasi kuchli, ammo "Arsenal" hali ham ulardan o'zib ketish umidini yo'qotgani yo'q.

Agar ular bizdan tepada bo'lsa, bu "Tottenxem"ning bir martalik muvaffaqiyati bo'ladi, chunki ushbu holat 20 yilda bir marotaba yuz beryapti. Ammo hozircha buni uddalashgani yo'q. "Tottenxem"ni jadvalda ortda qoldirish uchun oxirigacha kurashamiz" - deydi Venger.