Vadim SHodimatov “Qo'qon-1912”da ish boshladi
04 jan 2015 12:34
Yangiliklar
![](https://championat.asia/upload/storage/157133_original.jpg)
![](/upload/storage/157133_220.jpg)
Vadim SHodimatov “Qo'qon-1912”da ish boshladi
Jamoa yana Dang'ara tumanidagi “BOWLING” mehmonxonasida yig'ildi. Mashg'ulotlar kuniga ikki mahaldan o'tkaziladi. Ertalab jismoniy jihatga etibor qaratgan xolda, trenajyor zalida shug'ullanilsa, tushlikdan so'nggi mashg'ulotlar “Markaziy” stadionda o'tmoqda.
Avval xabar berganimizdek, “Qo'qon-1912” murabbiylar shtabiga taniqli yoshlar murabbiyi Dilshod Nuralievning qo'shilishi kutilayotgandi. Ammo bu o'tish amalga oshmagach, bosh murabbiy Rustam Abdullaev toshkentlik boshqa bir murabbiy Vadim SHodimatovni taklif etdi. Nazariya jihatdan bilimi yuqori bo'lgan mutaxassisning Qo'qonda professional infratuzilma yaratilishida ham hissasi katta bo'lishi aniq. Negaki, bungacha asosan akademiyalarda ishlagan mutaxassis qaerda bo'lmasin doimo o'zidan yaxshi nom qoldirib kelgan. Muborakdagi “Mashal” akademiyasi, Toshkentdagi “Bunyodkor” hamda Andijondagi “Futbolga ixtisoslashtirilgan maktab-internati”da poydevor qo'yilishida bu insonning ko'magi sezilarli darajada bo'lgan. Xususan andijonliklar hanuz SHodimatovni iliq munosabatda eslashib yurganiga shaxsan o'zimiz ham guvoh bo'lganmiz.
Endilikda qo'qonliklar ham ushbu mutaxassisning xizmatidan foydalanmoqchi. OFK instruktori bo'lgan Vadim SHaxirjanovich ajab emaski, Qo'qonda ham munosib ishlab, professional klub tuzilishida hissa qo'shsa. Xullas bu yil 50 yoshni qarshi oladigan SHodimatov qo'qonliklar uchun eng to'g'ri tanlov ekanligiga shubha yo'q. Eslatib o'tamiz, SHodimatov oxirgi paytlarda "Bunyodkor" akademiyasida faoliyat yuritib kelayotgandi.
Endi tarkibda yuz berayotgan o'zgarishlarga keladigan bo'lsak, asli qo'qonlik bo'lgan va o'tgan mavsum “So'g'diyonayo” tarkibida o'ynagan Orif Mamajonov, “SHo'rtan” hujumchisi Islom Karimov, “Guliston”dagi faoliyati orqali muxlislarga yaxshi tanish bo'lgan darvozabon Ilhom Jumanov, yaqin-yaqingacha “Qo'qon-1912”da o'ynagan Munavvar Valixo'jaev kecha jamoa ixtiyoriga etib keldi.
Yoshlar jamoasini esa mavsumga Muhsin Nizomiddinov bilan Muhammad Inog'omov tayyorlamoqda.
![AMP Logo](https://championat.asia/image/logo-amp.png)
Fikrlar