So’nggi yangiliklar

10:48«Манчестер Сити»нинг уч нафар ярим ҳимоячиси ёзда жамоани тарк этади  0 10:15«Арсенал» «Барселона» футболчиси учун 40 миллион евро тўлашга тайёр  3 09:42«Манчестер Юнайтед» Антонига нарх қўйди  0 09:07Томас Мюллер фаолиятини МЛСда давом эттириши мумкин  3 08:38«Барселона» сардори қачон сафга қайтиши маълум  4 08:13Лионель Месси футболдаги кумири ҳақидаги саволга жавоб берди  9 07:40«Манчестер Сити» Холанднинг жароҳати борасида расмий баёнот берди  6 07:09А Серия. "Лацио" кучли олтиликка кириб олиш имкониятини қўлдан бой берди  0 01:36"Челси" 2023/24 мавсумни 129,6 миллион фунт фойда билан якунлади. Бир йил аввал клуб 90,1 миллион фунт зарар кўрган эди  0 00:32Холанд учун мавсум якунланди  2 00:15Руни 2010 йилда "Реал"нинг қизиқиши ҳақида: "Мен Месси, Иньеста, Хави билан "Барса" ҳақида кўпроқ ўйлардим"  3 00:06РПЛ. "Акрон" "Ростов"га ютқазди, Эсанов захирада қолди  0 22:07Норвегия клуби дарвозабони ўйиннинг энг яхши футболчиси деб топилди ва уйига 4 "флейка" тухум билан қайтди  16 21:27Руни кўчада ҳожатини чиқаргани учун жаримага тортилиши мумкин  22 20:53U21 биринчилиги. "Бунёдкор"дан 7та гол, "Пахтакор"дан мағлубият, "Қўқон-1912"дан яна камбэк ва бошқа натижалар  0

Vadim Abramov: "To'pni raqibga topshirib, ular nima qila olishini kuzatdik" Yangiliklar

Vadim Abramov: "To'pni raqibga topshirib, ular nima qila olishini kuzatdik"

Superliga 3-turidan o'rin olgan "Paxtakor" - "Dinamo" (0:1) uchrashuvidan so'ng mehmonlar bosh murabbiyi Vadim Abramov o'yindan keyingi matbuot anjumanida ishtirok etdi.

"O'yinni hamma ko'rdi, shuning uchun maydonda nima ro'y berganini takroran aytib berish manosiz. O'yin oldidan tarkib bilan bog'liq muammolarimiz bor edi, chunki kichik tanaffus bizga tasir qildi. To'rt nafar markaziy himoyachimiz jamoaga yordam bera olmadi, shu sababli Stanoevichni markaziy himoyachi poziciyasiga ko'chirishga majbur bo'ldik. Undan minnatdorman, chunki u birinchi marta bu poziciyada o'ynadi va o'z vazifasini yaxshi uddaladi. Shu sababli, biz o'yinga taktika tanlashda muammolarga duch keldik. O'yinga kelsak, "Paxtakor" o'yindan tashqari holatidan gol urdi, ammo undan tashqari boshqa vaziyatlarga ega  bo'lgani yo'q. Biz qarshi hujumda yana bir nechta gol urish imkoniyatiga ega edik. Chempionat endigina boshlandi, "Paxtakor" hali o'z ochkolarini to'plab oladi deb o'ylayman" - deya fikr bildirdi Vadim Abramov o'yin yakunlangach.

- Paxtakorning o'yini haqida umumiy fikringiz qanday? "Paxtakor"ga qarshi himoyalanish qanchalik qiyin bo'ldi?

- Biz markaziy himoyachilar bilan bog'liq muammolar tufayli taktikamizni biroz o'zgartirdik, to'pni raqibga topshirib, ular nima qila olishini kuzatdik, lekin ular bugun deyarli hech narsa taklif qila olmadi. To'pga egalik qilish bo'yicha ustunlik bor edi, lekin ularning hujumlari xavfli bo'lmadi. "Paxtakor"ning asosiy hujumchisi bugungi bahsda ishtirok etmagani o'z so'zini aytgan bo'lishi mumkin.

- Motivaciya haqida nima deysiz? "Paxtakor"dek raqibga qarshi o'ynash jamoangizga biroz bo'lsa ham qo'shimcha motivaciya berdimi?

- Har bir jamoa etakchilarga qarshi o'ynaganda o'zini ko'rsatishni xohlaydi, lekin biz bu o'yinni alohida bir reja qabul qilganimiz yo'q. Har bir turda g'alaba uchun maydonga tushamiz, bu oddiy holat. Keyingi turda ham grand jamoa bilan to'qnash kelamiz.  

- Bugungi g'alabadan so'ng jamoa qo'shimcha rag'batlantiriladimi?

- Yo'q, albatta. Bu bahs kuzda bo'lganida, yoki musobaqa jadvaliga jiddiy tasir o'tkazganida qo'shimcha moliyaviy rag'batlantirish haqida o'ylab ko'rishimiz mumkin bo'lar edi. Superliga endi boshlandi-ku.

- Menga "Dinamo" asosan qarshi hujumlarda yaxshi o'ynaydigan jamoadek tuyulmoqda. Ushbu fikrga qanchalik qo'shilasiz?

- Men jurnalistlar bilan muloqot qilishda qiynalaman. Bunga qadar bizni hujumkor jamoa deya tasvirlashardi, endi esa qarshi hujumda o'ynaydigan jamoa bo'lib qolibmiz. Biz raqibga qarab taktika tanlaymiz. Bugungi o'yinda raqibga to'pni berib, qarshi hujumga chiqishni maqsad qildik. Biz doimo hujumkor o'ynashga intilamiz. Markaziy himoyachilarning yo'qligi sababli shunday qaror qabul qildik. Ochiq zonalar bo'lganda tezroq hujum qilishga intildik.  

- Marko Stanoevichning o'yini haqida fikr bildirib o'tsangiz. Amaldagi chempion "Nasaf" Markoning yoshi katta ekanligi sababli u bilan shartnomani uzaytirmadi...

- Biz kimni xarid qilayotganimizni bilardik. Stanoevich jamoa lideri va tajribali futbolchi.

- Stanoevichning yoshi sizni xavotirga solmadimi?

- Men futbolchining yoshiga etibor bermayman. Agar, 16 yoshli yigitcha maydonda foyda keltirsa, u mening jamoamda asosiy tarkibdan o'rin oladi. Men pasportga qaramayman. Yoshi katta futbolchi, yoshroq o'yinchilardan yaxshiroq o'ynasa u maydonda bo'ladi. Futbolchining yoshi uning ayoli uchun ahamiyatli bo'lishi mumkin, ammo menga emas.

- Bugun jamoa safida debyut qilgan futbolchilar haqida ham gapirib o'tsangiz? Aloho'jaev, Ibrohimov va Safarov bugungi uchrashuvda debyut qilishdi.

- Ular haqida bir narsa deyish qiyin, sababi ular o'yin so'ngida maydonga tushishdi. Hali fikr bildirishga erta, endigina uchinchi turdamiz. Katta vadalar berib qo'ysak, bizdan katta narsalar kutiladi. Samarqanddan kelib bizni qo'llab-quvvatlagan muxlislarimizga rahmat. Bugun ularni xursand qila oldik.

- Jamoangizning hujumdagi realizaciyasi haqida fikr bildiribo'tsangizi. Sababi "Dinamo" bugun qarshi hujumlarda bir nechta yaxshi imkoniyatlarga ega bo'ldi. Mirjahon Mirahmadov esa ikkinchi bo'limning 70-daqiqalaridan so'ng charchab qolgandek ko'rindi... 

- Mirahmadov ko'p vaziyatlar "qora ish"ni bajardi. Himoyachilarga yordam berdi va yakkakurashlarda ishtirok etdi. Umuman olganda, o'yinimizdan qoniqdim. Hozir g'alaba hissiyotidan barcha xursand. Biroz vaqt o'tganidan so'ng o'yinni tahlil qilib, qaerda qanday xato qilganimizni ko'rib chiqamiz.

- Oybek O'rmonjonovning o'yiniga baho berib o'tsangiz. Nazarimda, u juda yaxshi o'yin o'tkazdi.

- O'yinga yaxshi qo'shilib ketdi va juda aktiv bo'ldi. "Paxtakor"da Alijonov maydonga tushganda, biz Anvarni narigi qanotga o'tkazdik va O'rmonjonovga Alijonov zararsizlantirish vazifasini yukladik. U o'z ishini yaxshi uddaladi.






Reyting: +8   

Fikrlar

+9   
30 mar 06:47:46
oltin top
пахтакорга тупни бериб қуйиб уларни кузатдек,қарасак улар ғирт латтани узи экан...дебди ))))
+4   
30 mar 06:56:27
DRAKON
насафи 1та футболчисини шундай зур уйнатяпти бу,агар вес насафи боллари Абрамовни қулига топшириб қуйсак жамоани учириб унатарканда бу,шунчаки қойил қолиш керак,футболчини очилмаган қирраларини мурабий очиб билиши керак,қуқонда хеч ким танимай юрган Хожимирзаевларни Абрамов қандай уйнатаётганини хаммамиз куриб турибмиз,халиловларни пахтакор химоячилари кучик боладек алдаб утиб дарвозага аниқ ва кучли зарба йулашларини куриб одам хайрон қолади
+2   
30 mar 09:39:58
nodir sharipov
oltin top foydalanuvchining fikriga javob berish
пахтакорга тупни бериб қуйиб уларни кузатдек,қарасак улар ғирт латтани узи экан...дебди ))))
Ha shunday.
+2   
30 mar 07:20:21
Фарход
Хамма юртдошларимизни Рамазон хайити билан табриклайман. Динамо Самарканд мухлисларини ва командани табриклайман.
+2   
30 mar 04:18:05
David Terezege
Динамо чемпион
+1   
30 mar 10:06:12
Азик Asian
Футбол шиддат билан ривожланаяпти,буни терма жамоа хам курсатиб берди. Лигамизда иккита яккахоким буларди ва буларнинг биттаси албатта Пахтакор эди. Уйинда хилма хиллик кузатилдими демак ривожланиш бор. Динамода эса шунчаки мураббийга имкон беришди ва халкимиз айтганидек "Сабрнинг таги сарик олтин". Икки уч турда мураббийни алмаштираетганлар эса шунчаки жамоани расвосини чикаришади. Динамо клуби бошкарувидагилар сабри ва ишончига офарин дейиш керак. Олга Динамо !!!
+1   
30 mar 09:45:29
nodir sharipov
Alloh panohidagi inson foydalanuvchining fikriga javob berish
Futbol shunaqaki puli hidi kemasa futbol bomidi
Unda nega dindorlar ham ateistlar ham futbol oʻyinlarini tomosha qilaverishadi? Stadionga kirish uchun ham pul toʻlash kerak, internetdan futbol oʻyinini tomosha qilishsa ham megabaytlarni sarflashga toʻgʻri keladi: megabaytlarni olish uchun ham pul zarurku.
   
31 mar 06:31:49
VOAJAB
QANI PAXTAKOR O'Z UYIDA SHARMANDA BO'LGAN O'YINDAN GALERIYA DEGAN SARLAVHALI E'LONLAR.
PAXTAKOR YUTIB QO'YSA EDI DINAMO 1 OY XO'RLANARDI.QANI ADMINLAR NEGA JIMSIZLAR
   
30 mar 09:42:29
nodir sharipov
Неф69 foydalanuvchining fikriga javob berish
Шерлар узимиздаям мушук бола бб коптию.
Simba uxla! Orom ol Simba!
   
30 mar 09:41:18
nodir sharipov
Неф69 foydalanuvchining fikriga javob berish
Шерлар узимиздаям мушук бола бб коптию.
Paxtakorning ashaddiy muxlislari buni oʻqigandan keyin anchagina asabiylashishsa kerak.
   
30 mar 08:51:38
mirabzal
Абрам ты хитрий человек твой время уже прошёл
   
30 mar 08:33:47
Неф69
Шерлар узимиздаям мушук бола бб коптию.
   
30 mar 08:19:33
Alloh panohidagi inson
Futbol shunaqaki puli hidi kemasa futbol bomidi
-1   
30 mar 08:11:52
Кодир
Вадим амаки сиз ютиб колманг еканда ютказганизда 1 чи уринда майдонди бохона килардиз динамо мухлисларини чин кунгилдан табриклиман галаба бн хам хайит бн хам
-1   
30 mar 07:56:24
Rasul M
DRAKON foydalanuvchining fikriga javob berish
насафи 1та футболчисини шундай зур уйнатяпти бу,агар вес насафи боллари Абрамовни қулига топшириб қуйсак жамоани учириб унатарканда бу,шунчаки қойил қолиш керак,футболчини очилмаган қирраларини мурабий очиб билиши керак,қуқонда хеч ким танимай юрган Хожимирзаевларни Абрамов қандай уйнатаётганини хаммамиз куриб турибмиз,халиловларни пахтакор химоячилари кучик боладек алдаб утиб дарвозага аниқ ва кучли зарба йулашларини куриб одам хайрон қолади
Futbolni yaqinda korishni boshlabsan shakil Xojimirzayev Qoqonda xechkim tanimayotgan edi depsan Xojimirzayev Qoqonda pro liga topurari edi keyin dinamoga otti...Stanoevich Shunchaki Nasaf uchun qarilik qiladi shunga shartnoma qilishmadi Abramov tayyor maxsulotlardan foydalanayapdi xolos
championat.asia
< so’nggi yangiliklarni ko’rish
Яндекс.Метрика