Vadim Abramov: "So'nggi pallada "Bunyodkor" Superligada ishtirok etishi malum bo'ldi"

Quyida "Bunyodkor" ustozi so'nggi pallaga qadar hayajon bilan yakuniy qarorni kutishganini takidladi va quyidagi fikrlarni bildirdi:

"Yana yangi format? Ochig'i, bilmadim. Bizga futbol o'ynash qolmoqda. Yana 14 jamoa bilan o'ynayveramiz. Biz nima ham qilardik? Bizga futbol o'ynash qolmoqda. Format va jamoalar soni o'zgarganini o'z mutaxassislari muhokama qilishsin. Biz esa jamoamizni mavsumga tayyorlaganimiz maqul.

Birinchi turni uyda yoki safarda o'tkazishning katta farqi yo'q. Jizzax bo'lsa Jizzaxda. "So'g'diyona" bilan yaxshi o'yin bo'ladi. Baribir barcha bilan o'ynab chiqishga to'g'ri keladi.

Endi tarkib borasida yakuniy to'xtamga kelish va kuchaytirishimizga umid qilamiz. Nihoyat bugun (tahrir: kecha) Superligada o'ynashimiz rasman malum bo'ldi. Bunga qadar har xil gap-so'zlar tufayli yangi futbolchilar bilan kelishish qiyin bo'layotgandi. Ko'plab futbolchilar "Bunyodkor" Superligada o'ynashiga ishonqiramay turishgandi. Endi imkon qadar yaxshiroq futbolchilarni jalb etishga urinib ko'ramiz", - dedi Vadim Abramov.