Vadim Abramov: "Bugun ham yaxshi o'ynadik, ham g'alaba qozondik"

O'yin haqida

- Qiziqarli o'yin guvohiga aylandik. "Qizilqum" yaxshi jamoa. Birinchi bo'lim biz uchun ko'ngildagidek o'tdi. Ikkita imkoniyatdan unumli foydalandik. Ikkinchi bo'limda hisobdan kelib chiqib o'ynadik. Qarshi hujumlarda vaziyat yaratishga harakat qildik. 2:0 hisobida g'alaba qozonish yoqimli albatta.

- Bu jamoaning mavsum davomidagi eng yaxshi o'yinlaridan birimi?

- Bazan yaxshi o'ynab turib ham natija bo'lmasligi mumkin. Bugun yaxshi ham o'ynadik, natijaga ham erishdik.

- Navbatdagi turda "Olimpik" bilan o'ynaysizlar. Kojo Qirg'iz Respublikasi terma jamoasiga jalb etilishi mumkin. Bu jamoa uchun muammo bo'ladimi?

- Kojoning terma jamoa bilan rejalarini ko'rib chiqamiz. Bizda hozir faqat bu muammo bor emas. Ikki nafar himoyachimiz kartochkalar sabab o'yinni o'tkazib yuboradi. Muxlislarga g'alaba tortiq etish uchun harakat qilamiz.

- OAVda Superliga o'yinlari yoritiladi. Bunda sharhlovchilar xatosi yoki shunga o'xshash sizga yoqmaydigan jihat bormi?

- Yo'q, hammasi joyida. Men bunaqa muammoga duch kelganim yo'q.