Vadim Abramov avliyomi yoki telba?

SHu tufayli boshqalar uchun kutilmagan qarorlar chiqarishdan charchamaydigan mutaxassis futbolimiz uchun yil o'yiniga aylanishi kutilayotgan Saudiya Arabistoniga qarshi bahsda ham tarki odat qilolmadi. 

Saudi Arabia Salman Al-Faraj - 25', Salman Al-Faraj - 33', Ali Al-Hassan - 52'

World Cup Qualification AFC 2nd Round Grp. D . 10-tur 15/06/2021, 23:00 0 : 3 Tugadi

Uzbekistan

Stadion: 6339 tomoshabin

45'

90'

25'  Salman Al-Faraj

33'  Salman Al-Faraj

41'  Abdullah Otayf

52'  Ali Al-Hassan

53'  Ali Al-Hassan (Sami Al-Najei)

64'  Saleh Al-Shehri (Firas Al-Buraikan)

67'  Salman Al-Faraj

78'  Abdulrahman Ghareeb (Saud Abdulhamid)

78'  Hassan Tambakti (Mohammed Al-Khabrani)

90'  Fahad Al-Muwallad

90'  Saud Abdulhamid

90'  Sultan Al Ghanam

53'  Odildzhon Khamrobekov (Oybek Bozorov)

53'  Ibrokhimhalil Yoldoshev (Ikrom Alibaev)

53'  Vagiz Galiulin (Dostonbek Khamdamov)

80'  Odil Akhmedov (Islom Tuhtahujaev)

80'  Dostonbek Khamdamov (Ikramov Farrukh)

90'  Otabek Shukurov

Match-senterda ochish

Uchrashuv startiga qadar juda ham oz fursat qoldi. Balki, siz ham o'yin uchun tanlangan tarkibni ko'rib hayron qolgandirsiz.

O'zbekiston: 12. Sanjar Quvvatov – 23. Ibrohimhalil Yo'ldoshev, 5. Rustam Ashurmatov, 9. Odil Ahmedov, 3. Hojiakbar Alijonov – 6. Odil Hamrobekov, 7. Otabek SHukurov, 13. Oleg Zoteev, 10. Jaloliddin Masharipov, 18. Vagiz Galiulin – 14. Eldor SHomurodov.

O'zbekiston milliy terma jamoasining bugungi tarkibiga nazar solsak, murabbiyning bir nechta original qarorlariga guvoh bo'lamiz.

1. Odil Ahmedov himoyada 

Ha, asl ampluasi yarim himoyachi bo'lgan sardorimiz bugun mudofaa chizig'ida harakatlanadi. Abramov namanganlik futbolchini oldin ham bir necha bor himoyada o'ynatgan va bu qarorini o'zbek futbolida birinchi pasni yaxshi darajada uzata oladigan himoyachilarning yo'qligi bilan izohlaydi. Eslatib o'tamiz, Saudiya Arabistoniga qarshi Toshkentda o'tgan birinchi davra o'yinida ham Abramov markaziy himoyada Ashurmatov - Ahmedov tandemidan foydalangan (o'shanda 3 ta gol o'tkazib yuborganmiz).

2. Oleg Zoteev — vinger

Muxlislar fulbek sifatida taniydigan Oleg Zoteev so'nggi yillarda faqat himoyaning chap qanotida harakatlanayotgan edi. Ammo, Abramov uni saudiyaliklarga syurpriz qilish uchun trkibga jalb qilgan ekan. Unutganlarning yodiga solmoqchimiz, samarqandlik o'yinchi futbolga yarim himoyachi sifatida kirib kelgan. Vadim Karlenovich 2012 yilgi Olimpiada saralashida undan aynan shu poziciyada foydalangan edi.

Malumot uchun, Oleg Zoteev joriy mavsum "Sonnam" tarkibida yarim himoyachi sifatida harakatlanayotgan edi. Uning hisobida 13 o'yinda bittadan gol va golli uzatma bor.

3. Masharipov...

So'nggi 2 yilda Eldor SHomurodovning faoliyatida juda katta progress kuzatildi. Surxondaryolik futbolchi bilan o'yin va hujumdagi liderlik masalasida talashishi mumkin bo'lgan yagona vakilimiz — Jaloliddin Masharipov. Xorazmlik futbolchi o'zi o'ynaydigan klublarda ham, terma jamoada chap qanotning haqiqiy sohibiga aylanadi. Uni boshqa poziciyada tasavvur qila olmasdik, toki bugungi tarkibimiz elon qilinguniga qadar. Abramovning mazkur qarori nafaqat bizga, balki Jaloliddinning o'ziga ham syurpriz bo'lgandir. Evre Renarni-ku aytmay qo'ya qolaman...

4. Galiulin yana asosiy tarkibda...

Milliy jamoaning kengaytirilgan tarkibi elon qilinganda "Nefteximik" vakili faqat ko'rik uchun kelgan, Ar Riyodga olib ketilmaydi, deganlar etarlicha edi. Yo'q, Abramov uni eng asosiy o'yin uchun tanlagan ekan. Umid qilamizki, Vagiz murabbiyning ishonchini oqlaydi.

Malumot uchun, Vagiz Galiulin terma jamoaning asosiy tarkibida so'nggi bor bundan 9 yil oldin Quvaytga qarshi bahsda maydonga tushgan edi.

P.s. Abramovning yuqoridagi qarorlarini 3 soat oldin ham tasavvur qila olmasdik. Eng asosiy bahs uchun bunday tavakkal qilishga uncha-muncha odamning jasorati etmaydi. Xalqimiz orasida malum toifadagi odamlar haqida shunday gap yuradi: Uning telba yoki avliyoligini farqlab bo'lmaydi. Umid qilamizki, Vadim Abramov yakunda avliyo bo'lib chiqadi...

Faxriddin Ro'ziev