O'zFHM tomonidan ushbu vaziyatda Dinamo posboniga nima sababdan qizil kartochka ko'rsatilgani tushuntirib berildi

«Metallurg» - «Dinamo» uchrashuvining 67-daqiqasida mehmonlar posboni R. Yagudin erkin zarba ijro etayotgan vaqtda to'pga bir marta oyog'i bilan tegdi. So'ng raqib hujumchisi unga qarab kelayotganda u ikkinchi bor to'pga tegdi va yakunda yaqqol golli vaziyatni qoidabuzish orqali to'xtatib qolgani uchun maydondan chetlatildi.

IZOH: "Futbol qoidalari - 2024/2025" kitobining 106-sahifasi 12-qoidasida qayd etilishicha, erkin zarba ijro etayotgan darvozabon to'pga bir martadan ko'p teginishi mumkin emas. Agar u raqib jamoaning golli vaziyatini to'xtatish uchun to'pga ikkinchi bor teginsa, so'nggi umid foli ishlatgani uchun to'g'ridan-to'g'ri qizil kartochka bilan jazolanadi.