Urganchlik maktab-internat tarbiyalanuvchilari turnir g'olibi

Kuni kecha O'zbekiston Konstituciyasi qabul qilinganligining 22 yilligiga bag'ishlab 2001 yilda tug'ilgan o'smirlar o'rtasida nihoyasiga etgan navbatdagi musobaqa so'zimiz isboti sanaladi.
  
Aytish joizki, mazkur birinchilikning dastlabki bosqichida 13 ta jamoa uch guruhda o'zaro bahs yuritishdi. O'z navbatida guruh g'oliblari va eng yaxshi ko'rsatkichga ega bo'lgan bitta ikkinchi o'rin sohibi yarim final juftliklarini hosil qilishdi. Yakuniy natijalarga ko'ra, Abror Qilichev va Alisher Vapaev ustozlik qilayotgan Urganch shahridagi 5-son futbol bo'yicha davlat ixtisoslashtirilgan maktab-internatining birinchi jamoasi turnir g'olibligini qo'lga kiritdi. Mazkur mahorat maskani tarbiyalanuvchilari hal qiluvchi o'yinda Xorazm viloyati xalq talimi boshqarmasi tasarrufidagi 2-son bolalar va o'smirlar sport maktabi  jamoasini yirik hisobda mag'lubiyatga uchratishdi, 3:0.
  
Faxrli uchinchi o'rindan Urganch olimpiya zaxiralari kolleji va 5-son futbol bo'yicha davlat ixtisoslashtirilgan maktab-internatining ikkinchi jamoasi joy olishdi.
  
- Jamoalarimizning muvaffaqiyatidan juda xursandmiz, - deydi Urganch shahridagi 5-son futbol bo'yicha davlat ixtisoslashtirilgan maktab-internati direktorining sport ishlari bo'yicha o'rinbosari Azamat Jabborov. – Bu yangi yil bayrami arafasida jamoalarimizning o'quvchi va pedagoglarimizga o'ziga xos sovg'a bo'ldi. Aminmanki, kirib kelayotgan 2015 yilda ham tarbiyalanuvchilarimiz o'zlariga bildirilgan ishonchni oqlab,  ko'plab yuqori natijalarni qo'lga kiritishadi.


Ikrom XUDOYBERGANOV.