Ulug'bek Baqoev: Irtish sovrinli o'rinlar uchun kurashadi

Qozog'iston premer-ligasi vakili, Pavlodarning Irtish klubi safida o'ynayotgan O'zbekiston milliy terma jamoasi hujumchisi Ulug'bek Baqoev Qozog'iston premer-ligasining 25 tur uchrashuvida Aktobe darvozasini ishg'ol etdi va jamoasining 4:0 hisobidagi g'alabasiga hissa qo'shdi.

Aktobega qarshi uchrashuv yakuniga etgach, Vesti.kz internet-nashri muxbirlari o'zbekistonlik hujumchidan intervyu olishdi.

Biz Aktobega qarshi o'yinga qattiq tayyorgarlik ko'rdik. O'yin biz uchun qiyin bo'lishini bilar edik, ammo tezkor gollar urishga erishdik. Bu jamoamiz uchun qo'l keldi. Futbolchilar bilan tezda tashabbusni o'z qo'limizga olishga erishdik va o'yin taqdirini birinchi bo'limning o'zidayoq hal eta oldik, - deydi Baqoev.

Aktobe futbolchilarini tushunish qiyin emas. Jamoa bundan uch kun oldin maydonga tushgan va qiyin uchrashuvni o'tkazgan edi. Ammo, biz ham bugun huddi ulardek sharoitda edik. Nima ham qila olardik - bu Futbol. Ularning o'z taqvimi va o'z rejalari bor. Bizda ham huddi shunday. Dastlabki 6 o'rinni egallagan jamoalar o'rtasida hali juda murosasiz bahslar o'tkaziladi, deya qo'shimcha qildi o'zbekistonlik hujumchi.

Irtish hali sovrinli o'rinlar uchun kurashni to'xtatgani yo'q. Jamoamiz albatta, mavsumda sovrinli o'rinlar uchun kurashadi, - deydi Baqoev.

Eslatib o'tamiz, Irtish safida to'p surayotgan Ulug'bek Baqoev O'zbekiston milliy terma jamoasi bosh murabbiy Mirjalol Qosimov tomonidan Iordaniya terma jamoasiga qarshi bo'lib o'tadigan JCH-2014 pley-off o'yinlari uchun chaqiruv olgan. O'zbekistonlik hujumchi horijda to'p surayotgan boshqa legionerlar qatorida 2 sentyabr kuni Toshkentda milliy terma jamoa yig'iniga kelib qo'shiladi.