Uli Xyoness: "Tolisso ajoyib transfer bo'ldi"

- Korenten Tolisso haqida bir qator malumotlar to'plashga ulgurdim. SHuni aytishim mumkinki, biz ajoyib futbolchini qo'lga kiritdik. Men nomdor va kuchli futbolchilarni sotib olishdan ko'ra, yosh va kelajagi porloq iqtidorlarni jalb etishni tarafdoriman. Menimcha, bu juda to'g'ri qaror bo'ldi.
Sebastyan Rudi haqida uning o'yinlari javob berib turibdi. Umuman yangi haridlarimiz hammasi yaxshi bo'ldi.
Kimmix yosh bo'lishiga qaramasdan etakchilik xususiyatini namoyish etmoqda. Konfederaciyalar kubogida iliq taassurot qoldirdi.
Karlo Anchelotti Kimmixni asosiy tarkibda o'ynatmoqchi ekanligini eshitish naqadar yoqimli. Lamni o'rniga Kimmix munosib voris bo'lishiga ishongim keladi.
Biz hozir o'tish davridamiz. Jamoamiz asta-sekinlik bilan yoshartirilmoqda va avlodlar almashuvi kuzatilmoqda. Reja va maqsadlar? Biz kamida Germaniya chempioni bo'lsak ko'nglim to'ladi.
Hozircha minimum chempionlikni ko'zlaymiz. "Bavariya" yangitdan qurilmoqda. Bu davrni o'tkazib olganimizdan keyin barcha frontlarda faqatgina chempionlikni ko'zlaymiz va kamida uchta sovrin bizning asosiy vazifamiz bo'ladi.