Ueyn Runi Pogba va Lingard bilan sodir bo'lgan qiziq voqealarni so'zlab berdi
08 iyu 2021 22:02
Yangiliklar
![](https://championat.asia/upload/storage/647770_original.jpg)
![](/upload/storage/647770_220.jpg)
Ueyn Runi Pogba va Lingard bilan sodir bo'lgan qiziq voqealarni so'zlab berdi
Runi Evro-2020'dagi Pogba haqida:
"Pogba Franciyaning hamma o'yinida "Manchester Yunayted"dagidan ko'ra pastroq darajada o'ynadi va bu u maydonning malum qismlarida to'pni olib qo'yishi va bo'sh joy topib, uzatmani amalga oshirishini anglatardi.
Jamoalar Franciyaga qarshi o'yinda himoyaga yotib olishdi, chunki ular Mbappening tezligidan qo'rqqan edilar, Mbappening himoyachilar ortida yugurishi Polga pas berishda qo'l keldi.
"Manchester Yunayted"dagi Kavani umuman boshqa tipdagi "to'qqizinchi" sanaladi, ammo Markus Reshford o'yinini kuchaytirib, Mbappe uslubida yugursa, bu Pol foydasiga bo'lishini guvohi bo'lamiz.
Pol Pogbaning Karim Benzema va Kilian Mbappe tomon oshirgan bir nechta uzatmalari qoyilmaqom chiqdi. Albatta, Pogbaning yarim himoyadagi sherigi N'Golo Kante unga yordam berdi. Biroq o'ylashimcha, Pol yaxshi o'ynaganiga sabab uning poziciyasi to'g'ri tanlanganida.
Runi Pogba va Lingardning ayovsiz tanqidga uchragani haqida:
"Pogba "Manchester Yunayted"ga qaytganida biz to'liq bir mavsumni birga o'tkazdik. U yutishni xohlardi, kuchli shaxsiyat edi. Siz uning soch turmagi va raqsi tomon bildirilayotgan tanqidlarga etibor bermasligingiz lozim. Buni uning ish faoliyatiga umuman aloqasi yo'q. Siz Polning qanday o'yinchi ekanligiga etibor bering.
Jessi Lingard bilan bog'liq holat ham xuddi shunday. Ularning ijtimoiy tarmoqlardagi postlari jiddiy tanqidga uchraydi, ammo siz ular boshqa avlod kishilari ekanligini, ular uchun ijtimoiy tarmoqlar muhimligini inobatga olishingiz zarur.
Pol bilan bir jamoada o'ynagan futbolchi sifatida uning mashg'ulotlarda qilgan mehnatini ko'rganman. Uning o'z ustida shu tartibda ishlashi o'zgarmas ekan, maydon tashqarisida nima qilayotgani ahamiyatsiz.
Mag'lubiyatdan bir kun o'tib, juda tushkun kayfiyatda Makl Kerrik bilan kiyinish xonasiga kirsak, Jessi va Pol qo'shiq qo'yib, raqsga tushishyapti. Men musiqani o'chirdimda kolonkani kiyinish xonasidan olib chiqib tashladim, chunki o'shanda tushkun kayfiyatda edim. Ular buni to'g'ri qabul qilishdi, chunki yoshim katta edi. Ammo hozir ortga nazar solsam, ular yomon ish qilmaganini va hech kimga ozor bermaganliklarini tushunyapman. SHunchaki bu mening eski maktabdan olgan sabog'im, mentalitetim".
O’xshash yangiliklar
![AMP Logo](https://championat.asia/image/logo-amp.png)
Fikrlar