Uchqun Qobilov: "Dinamo"ga o'yin amaliyoti zarur edi"

Avvalo, muhim g'alaba bilan bizni o'yin davomida qo'llab-quvvatlab turgan muxlislarimiz va jamoani tabriklayman. Natija yirik ko'rinish olgan bo'lsada, o'yin ancha qiyin bo'ldi - deya gap boshladi jamoa katta murabbiyi Uchqun Qobilov.

Bilasiz, o'tgan ikki tur o'yinlarining qoldirilishi va so'nggi turda dam olganimiz bois jamoa deyarli bir oy o'yin amaliyotisiz qoldi. Bizga o'yin amaliyoti zarur edi. Ushbu mudddat davomida futbolchilar bilan yaxshi tayyorgarlik olib borib, bugungi bahsga tayyor holatda bo'lsakda, o'yin amaliyotimiz kam ekanligi bois o'yinimiz u qadar mazmunli chiqmadi. SHu bois aksariyat futbolchilarimiz o'yinidan qoniqish hosil qilganimiz yo'q. O'yinni to'liq tahlil qilib, xato va kamchiliklar ustida ishlaymiz. Eng asosiysi g'alaba bilan peshqadamlikni saqlab, maqsadimiz sari olg'a intilishda davom etamiz. Muhimi shu edi.

Keyingi ketma-ket ikki o'yinda Qashqadaryoning Mashal-2 va Nasaf-2 jamoasiga qarshi to'p suramiz. Ushbu jamoalarga qarshi bahs ham oson bo'lmaydi. Har ikki jamoa ham o'z akademiyasiga ega bo'lganligi bois, ular ancha tartibli va intizomli o'yin namoyish etishadi. SHunday ekan, ushbu bahslarda ham puxta tayyorgarlik ko'rib, faqat g'alabani ko'zlaymiz - deydi Uchqun Qobilov.