U-23 Osiyo chempionatining eng esda qolgan 5ta o'yini
25 dek 2017 13:13
Yangiliklar

U-23 Osiyo chempionatining eng esda qolgan 5ta o'yini

Xabaringiz bor, 9-27 yanvar kunlari Xitoyda uchinchi bor tashkil etilayotgan U-23 Osiyo chempionati musobaqasi bo'lib o'tadi.

Turnir boshlanishiga kam vaqt qolayotgan bir paytda OFK rasmiy sayti avvalgi ikkita musobaqadagi beshta muhim o'yinni yodga oldi.

Yaponiya - Eron 3:3 (2014 yil, guruh bosqichi)
Birinchi bor 2014 yil o'tkazilgan musobaqada Eron ilk o'yinini Yaponiyaga qarshi o'tkazgan. Uchrashuv gollarga boy 3:3 hisobida tugaydi. Mazkur bahsda har ikkala jamoa safida Takumo Asano, Kaveh Rizoyi, SHoya Nakajima kabi ftubolchilar o'zlarini ko'rsatishadi.

O'zbekiston - Xitoy 2:1 (2014 yil, guruh bosqichi)
O'zbekiston ham, Xitoy ham guruhdan chiqa olmagan, lekin o'zaro o'yinda biznikilarning qo'li baland kelgandi. Uchrashuvda xitoyliklar futbolchisi 10-daqiqadayoq hisobni ochadi. Xitoy uzoq vaqt hisobda oldinda yuradi. Keyinchalik 90+2-daqiqada Egor Krimec gol urib hisobni tenglashtiradi. Oradan ikki daqiqa o'tib esa Igor Sergeev jamoamizga g'alaba keltiruvchi golni uradi.

KXDR - Saudiya Arabistoni 3:3 (2016 yil, guruh bosqichi)
2014 yilgi U-23 Osiyo chempionatida finalgacha etib borgan Saudiya Arabistoni oradan ikki yil o'tib hatto guruhdan chiqa olmaydi. Ammo ularning KXDR bilan kechgan bahsi ancha qiziq kechgan. Saudiyaliklar safida Fahad Al Muvallad o'zini ko'rsatishga muvaffaq bo'lgan.

Qatar - Iroq 1:2 (2016 yil, uchinchi o'rin uchun bahs)
Qatarda o'tkazilgan Osiyo chempionatida mezbonlar uchinchi o'rin uchun kechgan bellashuvda Iroqqa yutqazib qo'yishgandi. Natijada Qatar Olimpiada o'yinlari yo'llanmasidan quruq qolgan. SHunga qaramay, bu jamoaning Iroqqa qarshi o'yini ancha shiddatli kechgandi.

Yaponiya - Janubiy Koreya 3:2 (2016 yil, final)
Oldingi Osiyo chempionatining finali juda qiziq bo'lgan. Bunda ko'p yillik raqiblar bir-birlariga qarshi bahs olib borgan. SHiddatli kechgan bellashuvda Yaponiya 3:2 hisobida g'alaba qozonadi.