U-21 Birinchiligi. Ortiqxo'jaev va SHackix kelgan o'yinda "Paxtakor" chempion bo'ldi
02 dek 2023 17:52
Yangiliklar

U-21 Birinchiligi. Ortiqxo'jaev va SHackix kelgan o'yinda "Paxtakor" chempion bo'ldi

Teglar : U-21 birinchiligi Paxtakor u-21

Bugun U-21 Birinchiligida ham mavsum yakuniga etdi.

So'nggi tur oldidan chempionlik uchun "Paxtakor" va "Olimpik" klublarida imkoniyat saqlanib qolgandi. Yosh "SHerlar" "Olimpik"dan bir ochko ko'p to'plashgandi.

26-turda "Olimpik" "Metallurg" bilan bellashdi va dastlab gol o'tkazib yuborganiga qaramay, yakunda 2:1 hisobida g'alaba qozondi. Takidlash lozimki, "Olimpik" bahsni 9 kishi bo'lib tugatdi. Rian Islamov va Alisher Odilov qizil kartochka olib maydonni tark etishdi.

Etiborlisi "Paxtakor" ham xuddi "Olimpik" singari "Bunyodkor" bilan bahsda birinchi bo'lib gol o'tkazib yubordi. Ammo yakunda irodali tarzda g'alabani qo'lga kiritgan "Paxtakor" U-21 chempionlikka erishdi.

Mazkur bahsni ko'rish uchun "Paxtakor" klubi prezidenti Jahongir Ortiqxo'jaev va klub bosh murabbiyi Maksim SHackix ham stadionga kelishdi. O'yin tugagach Ortiqxo'jaev jamoa kiyim almashtirish xonasiga kirdi va yosh futbolchilarni chempionlik bilan tabrikladi.

U-21 Birinchiligida "Olimpik" ikinchi, "Nasaf" yoshlari esa uchinchi o'rinni egallashdi. Oxirgi pog'onalarni "Navbahor", "Andijon" va "So'g'diyona" jamoalari egallashdi. Aytgancha, so'nggi tur o'yiniga Yaypanning "Turon" jamoasi kelmadi va "Qizilqum"ga texnik g'alaba yozildi.