U-16 Osiyo chempionati. O'zbekiston oxirgi, Tojikiston birinchi savatchada
04 iyu 2020 12:34
Yangiliklar

U-16 Osiyo chempionati. O'zbekiston oxirgi, Tojikiston birinchi savatchada

Teglar : U-16 Osiyo chempionati O'zbekiston U-16

18 iyun kuni OFK shtab-kvartirasida o'smirlar o'rtasidagi Osiyo chempionatiga qura tashlash marosimi o'tkaziladi.

Kuala-Lumpurda mahalliy vaqt bilan soat 14:30da o'smirlar chempionatiga qura tashlash marosimi boshlanadi.

Ushbu qura jarayonida O'zbekiston o'smirlar terma jamoasi 4-savatchadan joy oladi. Sababi mazkur savatchalar oldingi U-16 Osiyo chempionati natijalariga qarab tuzilgan. O'zbekiston o'smirlar terma jamoasi o'tgan qita chempionatiga chiqa olmagani bois so'nggi savatchadan o'rin olgan. Biz bilan bir savatchada bo'lgan Xitoy, Qatar va BAA guruh bosqichida bizga raqib bo'lishmaydi.

Malumot uchun, bu yilgi qura tashlash jarayonida qo'shnilarimiz Tojikiston o'smirlari 1-savatchada bo'lishadi. Sababi ikki yil oldin o'tkazilgan U-16 Osiyo chempionatida Tojikiston finalga qadar etib borgan va Yaponiyaga yutqazib qo'ygan edi.

Bahrayn musobaqa mezboni sifatida avtomatik tarzda birinchi savatchada bo'ladi.

U-16 Osiyo chempionati-2020 savatchalar ro'yxati:

1-savatcha: Bahrayn, Yaponiya, Tojikiston, Janubiy Koreya.

2-savatcha: Avstraliya, KXDR, Indoneziya, Ummon.

3-savatcha: Hindiston, Eron, Yaman, Saudiya Arabistoni.

4-savatcha: Xitoy, O'ZBEKISTON, Qatar, BAA.

Eslatib o'tamiz, bu yilgi U-16 Osiyo chempionati 16 sentyabr - 3 oktyabr kunlari Bahrayn mamlakatida bo'lib o'tishi rejalashtirilgan.