Turkmaniston chempionati. Gevorkyan gol urgan uchrashuvda “Axal” g'alaba qozondi

Hozirda davom etayotgan kam sonli chempionatlar qatorida Turkmaniston chempionati ham bor. Kecha mamlakat yuqori ligasining ikkinchi davrasining 8-tur uchrashuvlariga start berildi. O'zbekistonlik muxlislarga yaxshi tanish bo'lgan Artur Gevorkyan to'p tepayotgan “Axal” jamoasi safarda “Nebitchi” jamoasi mehmoni bo'ldi va 2:1 hisobida g'alaba qozondi. Dastlab mezbonlardan Merdan Gurbanov 9-daqiqada hisobni ochgan bo'lsa, 38-daqiqada Gevorkyan gol urib o'rtadagi muvozanatni tenglashtirdi. Ikkinchi bo'limda uning jamoasi ikkinchi golni urdi va ortga uch ochko bilan qaytdi. Qolgan uchrashuvlarda esa quyidagi natijalar qayd etildi.

8-tur, 13 may
“Ashhobod” – “SHagadam” - 1:1.
Gollar: SHatlik Gurbanov, - 16 – Ixlas Magtymov, 54.

“Marv” – “Oltin Asir” - 0:4.
Gollar: Mixail Titov 34, Altimurod Annadurdiev 39, Rovshegeldi Halmamedov 78, Merdan Muxadov 90+2 (pen).

“Nebitchi” – “Axal” - 1:2.
Gollar: Merdan Gurbanov, 9 – Artur Gevorkyan 38, Soxbet Allanurov 69.

Bugun bo'lib o'tadigan “Energetik” va “Kopetdog'” o'rtasidagi uchrashuv bilan mazkur turga yakun yasaladi.

Eslatib o'tamiz, keyingi turni jamoalar 18 va 19 may sanalarida o'tkazishadi. Unda quyidagi o'yinlar bo'lib o'tadi:

“Kopetdog'” – “Ashhobod”
“SHagadam” – “Nebitchi”
“Energetik” - “Marv”
“Axal” – “Marv”

Turkmaniston futbol Federaciyasi rasmiy sayti asosida tayyorlandi