Tungi arxiv. #2 - Yap Stam

Bu galgi qahramonimiz gollandiyalik mashhur himoyachi Yap Stam bo'ladi.


Yap Stam haqida qisqa malumot:

Tug'ilgan sanasi: 1972 yil, 17 iyul.
Tug'ilgan joyi: Kampen, Gollandiya.
Bo'yi: 191 sm
Poziciyasi: markaziy himoyachi
O'ynagan jamoalari: "Kampen" (1991-1992), "Zvolle" (1992-1993), "Kambyur" (1993-1995), "Villem 2" (1995), PSV (1996-1998), "Manchester Yunayted" (1998-2001), "Lacio" (2001-2004), "Milan" (2004-2006), "Ayaks" (2006-2007).
Terma jamoadagi faoliyati: Gollandiya (1996-2004)
Hozirgi ish joyi: "Ayaks" (yordamchi murabbiy)

Yap Stam haqida ikki og'iz. Stam o'z futbolchilik faoliyatini markaziy himoyachi rolida o'tkazgan. Uzun bo'yli himoyachi har qanday hujumchi uchun haqiqiy to'siq bo'lgan. Uning havodagi kurashdagi ustunligi, raqibi o'yinini "o'qiy" olish qobiliyati juda yuqori edi.

Stamda nafaqat bo'y, jismoniy kuch, aql, balki himoyachilarga hos vajohat bor edi.

Yap Stam o'zining futbolchilik faoliyatini havaskor jamoa "Kampen"da boshlagan. Stamning professionali faoliyatidagi debyuti "Zvolle" safida bo'lgan. Ushbu jamoada bir yil to'p tepgan Stam keyingi mavsumdan "Villem" jamoasida paydo bo'ladi. Bu jamoa safida o'zining ishonchli o'yinlari bilan ko'pchilikda iliq taassurotlar qoldirishni boshlaydi. "Villem" bilan o'sha yildagi evropaning eng kuchli jamoasi bo'lgan "Ayaks"ni yutishga muvaffaq bo'lgan. Aynan o'sha bellashuvda Stamning ishonchli va yorqin o'yini "Villem"ning g'alabasiga zamin yaratgandi. SHundan so'ng Stam PSV jamoasi qiziqishlari doirasiga kirib qoladi va yangi mavsumda eyndxovenliklar Stamni qo'lga kiritishadi.
Yap Stam PSV safida Gollandiya chempionligi, Gollandiya kubogi  va ikki marta superkubokda zafar quchadi.
Aynan PSVdagi faoliyati davomida Stam Gollandiyada yilning eng yaxshi futbolchisi degan nomga munosib ko'riladi.

Yap Stam uchun keyingi bekat Angliyaning Manchester shahri bo'ladi. PSVdagi o'yinlari orqali Yap Stam ser Aleks Fergyussonning etirofiga tushadi va 1998 yilda "Yunayted" gollandiyalik hhimoyachini 16,7 million evro evaziga sotib oladi. Aynan o'sha paytda Stam futbol tarixidagi eng qimmat himoyachi bo'ladi. Qo'shimchasiga Stam ushbu transferdan so'ng gollandiyalik charm to'p ustalari orasida eng qimmat futbolchiga aylanadi.

Yap Stam o'zining eng yorqin va ajoyib damlarini aynan "Manchester Yunayted"da o'tkazishga muvaffaq bo'lgan.
Stam "Yunayted" bilan birgalikda uch marta Angliya chempioni, Angliya kubogi sohibi va 1999 yilda Evropa chempionlar ligasida g'olib bo'lish baxtiga muyassar bo'ladi.

Qahramonimizning Manchesterdagi faoliyati 2001 yilga kelib yakunlanadi. SHundan so'ng futbolchi Italiyaga yo'l oladi. "Lacio" va "Milan" sharafini himoya etgan Stam sovrinlar yutishda muammolarda duch keladi. Italiyadagi faoliyati davomida faqatgina bir marta "Lacio" bilan Italiya kubogida g'oliblik qo'lga kiritiladi.


Yap Stamning erishgan yutuqlari:

- Gollandiya kubogi sohibi (1996, 2007)
- Gollandiya chempioni (1997)
- Gollandiya superkubogi sohibi (1996, 1997, 2007)
- Angliya chempioni (1999, 2000, 2001)
- Evropa chempionlar ligasi g'olibi (1999)
- Angliya kubogi (1999)
- Qitalararo kubogi sohibi (1999)
- Italiya kubogi sohibi (2004)
- Evropa chempionati bronza medali sohibi (2000)

SHaxsiy yutuqlari:

- Gollandiyaning eng yaxshi futbolchisi (1997)
- Evropaning eng yaxshi himoyachisi (1999, 2000)

Yap Stam terma jamoa safida 63 o'yinda maydonga tushgan va 3ta gol kiritgan. SHuningdek, Stam himoyachi bo'lishiga qaramasdan o'zi o'ynagan barcha jamoalar safida gol urishga muvaffaq bo'lgan

Bu esa hozirgi Yap Stam. Qahramonimiz "Ayaks"da yordamchi murabbiy sifatida ishlamoqda