Tojiboev va Xolmurodov G'uzorga kelishdi

Qarshida, “Nasaf” futbol Akademiyasi suniy qoplamali maydonida o'tgan bahsda 1:1 hisobi qayd etildi. G'uzorliklar tomonidan kiritilgan golga Botir Qodirqulov mualliflik qildi. SHu kuni mashg'ulotlarga kelib qo'shilgan Eldor Tojiboev, garchi jamoadoshlari bilan birga bo'lsa-da, maydonga tushirilmadi. Eslatib o'tish joiz, bu tajribali darvozabon o'tgan mavsumning ikkinchi davrasini “SHo'rtan” safida o'tkazgan edi. Tojiboev yangi mavsumni ham g'uzorliklar bilan boshlash niyatida ekanligini malum qildi.   

SHuningdek, o'z vaqtida “SHo'rtan” tarkibida faoliyat ko'rsatgan himoyachi Faxriddin Xolmurodov ham “Oq bo'rilar” mashg'ulotlariga kelib qo'shilgan. Tojiboevdan farqli ravishda, u birinchi kunning o'zidayoq maydonga tushishga ulgurdi.

Endi Muxtor Qurbonov shogirdlari 20 yanvar kuni G'uzorda “Mashal” jamoasiga qarshi yana bir sinov-nazorat uchrashuvini o'tkazishadi va qisqa muddatli tanaffusga chiqishadi. Keyingi bosqich tayyorgarliklari poytaxtga ko'chadi.

“Nasaf” – “SHo'rtan” – 1:1.
“SHo'rtan”: R.Abdulov (J.Karimov, 72), Z.Raupov (E.Tog'aev, 61), J.Otaqulov (B.To'raev, 61), A.Aliqulov (E.Intizomov, 46), U.Eshmurodov (D.Donaev, 46, F.Xolmurodov, 70), M.Mahmudov (R.Abduvohidov, 50), A.Vostrikov (SH.Xursanov, 46), D.Kamolov (G'.Rahmonov, 46), A.Babaev (O.Karimov, 40, T.Nurullaev, 78), B.Qodirqulov (A.Arslonov, 46), I.Karimov (S.To'raqulov, 50).