"Tottenxem" rahbariyati Kontening kelajagini bugun tunda hal qiladi

"Tottenxem" klubi bosh murabbiyi Antonio Konte klubdan ketishga yaqin. Sky Sports nashrining malum qilishicha, bugun, 22 mart kuni tunda London klubi rahbariyati murabbiyning kelajagi borasidagi qarorni qabul qiladi. 

"SHporlar" futbolchilaridan birining agenti ismi sir qolishini istagan holda, Kontening ketishi deyarli aniq bo'lganini, u barcha futbolchilar bilan qo'pol muomalada bo'layotganini malum qilgan. Murabbiyning bu harakatlaridan uning ketishi ko'pchilikka tushunarli bo'lgan. 

Malumot uchun, Konte "Sautgempton"ga qarshi so'nggi daqiqalarda g'alaba boy berilgan o'yindan so'ng o'z intervyusi bilan futbolchilarni ayblab, ular "komfort zona"laridan chiqishni istamayotganlarini aytgandi.