"Tottenxem" Kontega uzoq muddatli shartnoma taklif qilishga tayyor

Italiyalikning amaldagi shartnomasi mavsum so'ngida yakuniga etadi va "shporlar" 53 yoshli mutaxassisga uzoq muddatli yangi kelishuv taklif qilishga tayyor.

Antonio Kontening qarori "Tottenxem" transfer bozorida qanday ishlashga shayligiga bog'liq bo'ladi. Italiyalik bir necha bor jamoaning o'sishi uchun jiddiy kuchayish kerakligini aytgandi.

"Tottenxem" Antonio Konte qo'l ostida 58 ta o'yin o'tkazdi. London klubi bu o'yinlarda 33 ta g'alaba, 9 ta durang va 16 ta mag'lubiyat qayd etdi.