Toshkentda "Oltin kuz" bolalar futbol festivali start oldi

Mazkur bolalar musobaqasi o'tgan yil ilk marta tashkil etilgan va bir qator quvonchli voqealarga boy bo'lgandi. Bu safar ikkinchi bor o'tkazilayotgan turnirda jami 20ta jamoa ishtirok etmoqda. 

SHuni aytish lozim, Toshkent shahar ixtisoslashtirilgan bolalar-o'smirlar sport maktabi zalida tashkil etilgan ushbu festivalda bugun birinchi kun uchrashuvlari bo'lib o'tdi. Kun davomida jami 10ta o'yin o'tkazildi. 

Musobaqada 2009 yilda tug'ilgan futbolchilardan iborat 12ta jamoa va 2010 yilda tug'ilgan futbolchilardan tashkil topgan 8ta jamoa ishtirok etyapti. Ayniqsa, 2010 yil tug'ilgan yosh futbolchilar uchun mazkur festival ularning faoliyatidagi ilk katta turnir deya olamiz. 

Endilikda bunday musobaqalar O'zbekiston futbol federaciyasi va Toshkent shahar futbol federaciyasining o'zaro hamkorligida tashkil qilinadi. "Oltin kuz" festivalining bosh homiysi "ChaCha" savdo belgisi bo'lib, bugun tashkilot vakillari musobaqaga tashrif buyurib uchrashuvning eng yaxshi futbolchilariga o'z sovg'alarini topshirishdi. 

Odatga ko'ra, ushbu musobaqa festival bo'lgani uchun jamoalarning ochkosi hisoblanmaydi, bundan ko'zlangan maqsad hech kimning xafa bo'lmasdan o'yin amaliyotiga ega bo'lishi va bolakaylarning futboldan rohat olishlarini taminlashdir. 

Quyida birinchi kun natijalarini keltirib o'tamiz. 

2009 yilda tavallud topganlar

“Junior Football” – “Spartak-2” 4:0

"Spartak" - “Nasaf” (Qarshi) 4:2

“Odil Junior” - “Nasaf-2” (Qarshi) 4:2

“Paxtakor” - “Qo'qon-1912” (Qo'qon) 4:2

"Metallurg" (Bekobod) - BO'SM-16 0:3 

“Mega Sport” – “Do'stlik“ (Marg'ilon) 3:1

2010 yilda tavallud topganlar 

"Lokomotiv-Boysun" - "Mega Sport" 2:1

"Bunyodkor" - "Qo'qon-1912" 3:2

"Istiqlol" - "Lokomotiv-A" 2:4 

"Lokomotiv-B" - IBO'SM 3:3

Ertaga ikkinchi kun uchrashuvlari bo'lib o'tadi.