Toshkentda AKFA homiyligida yangi musobaqa start oldi

Bir necha yildan beri bolalar o'rtasida turli futbol turnirlarini o'tkazib kelayotgan "Kelajak Yulduzlari Company" bu safar mashhur kompaniya AKFA Group homiyligi ostida "Mustaqillik Kubogi-2023"ni yo'lga qo'ydi. 

Musobaqa shiori - AKFA bilan yanada ko'p yulduzlar!

2010 yilda tug'ilgan futbolchilar ishtirokidagi mazkur musobaqada 8ta jamoa qatnashyapti va jamoalar to'rttadan ikki guruhga bo'lingan. Turnirda nafaqat Toshkent, balki olis Surxondaryo, shuningdek Andijondan ham bolalar futbol jamoalari ishtirok etmoqda. 

Birinchi kunda quyidagi natijalar qayd etildi: 

Guruh bosqichi. 1-tur, 23-avgust. "Central Asian University" (AKFA universiteti) stadioni

"Lokomotiv" – "Bunyodkor" 1:2

Gollar: SHukurov Abdulaziz - Dulanboev Elshodbek, Axmatillaev Mustafo.

Toshkent FA – "Lider Best" 0:1

Gol: Ubaydullaev SHohruh

Andijon FA – Termiz IBO'SM 1:0

Gol: Abduhalimjonov Temurbek

"Paxtakor" – "SHo'rchi" FM 2:0

Gollar: Bo'riboev Yunus, Ahmadjonov Mohir.

24 avgust kuni 2-tur uchrashuvlari bo'lib o'tadi.

16:00. "Bunyodkor" – Andijon FA

17:00. "Paxtakor" – Toshkent FA

18:00. "Lokomotiv" –Termiz IBO'SM

19:00. "SHo'rchi" FM – "Lider Best"