Tojikiston bosh murabbiyi: "Biz orzu qilishda davom etamiz"

"Biz orzularimizni davom ettirishga tayyormiz. Biz bugun bilan yashaymiz, shunday ekan, Iordaniyaga qarshi o'yinga tayyormiz. 

Iordaniya terma jamoasi juda kuchli, ularni marokashlik tajribali murabbiy boshqaradi, biz bu jihatlarni ham inobatga olganmiz.

Livan va BAAni mag'lub etganda, Osiyo kubogini qo'lga kiritgandek tantana qildik, endi uchinchi marta shu ishni amalga oshirmoqchimiz. Iordaniya taslim bo'lmaydigan aqlli jamoa sanaladi.

Men o'z futbolchilarim bilan faxrlanaman. Biz bir oiladekmiz, men jamoaning yo'lboshchisi ekanligimdan xursandman. Lekin hozirda menga ko'proq etibor qaratilmoqda, biroq diqqatni o'yichnilarga qaratish kerak, chunki asosiy yulduzlar ular hisoblanadi", dedi xorvatiyalik mutaxassis.

Eslatib o'tamiz, Osiyo kubogining 1/4 finalidan o'rin olgan Tojikiston — Iordaniya uchrashuvi 2 fevral kuni soat 16:30 da start oladi.

Petr Segrt. Mo'ylov. Ishtiyoq. Xayolot. Tojikistonni tarixiy natija sari etaklayotgan "Eynshteyn" bilan yaqindan tanishamiz