Tohir Kapadze: “Barchani keyingi bosqichga chiqqanimiz bilan tabriklayman”

– Avvalambor, Qo'qon halqini, futbolchilarni umuman barchani keyingi bosqichga chiqqanimiz bilan tabriklayman. Bugun durang o'ynagan bo'lsak-da, ikki uchrashuv natijasiga ko'ra, chorak finalga chiqdik. Lekin o'yin oson bo'lgani yo'q. “Navbahor” ham yaxshi shakllangan jamoa sanaladi. SHuning uchun bugungi bahs shiddatli o'tdi. Eng asosiysi keyingi bosqichga chiqdik.

– CHempionat doirasidagi o'yinda jamoamiz o'yini chiqmagandi. Ammo hisob bunday ko'rinish olishini kutmagandik. Bugun esa o'sha uchrashuvdagi mag'lubiyatni tasodif ekanligini isbotlash uchun maydonga tushgandik. Futbolchilarimiz barcha ko'rsatmalarimizni to'g'ri bajargan holda irodali o'yin namoyish etishdi. Buning uchun ularga minnadorchilik izhor etaman. Davralar oralig'ida tarkibimizda bir qator o'zgarishlarni amalga oshirishimiz kerak. Qo'qonlik muxlislar talabchan. Ularni xursand qilish uchun qo'limizdan kelgan barcha ishni amalga oshiramiz, - deydi Kapadze.

"Qo'qon-1912" matbuot xizmati