Timur Turdiev: "Lokomotiv" O'zbekistoning etakchi klubi ekanini isbotladi"

"Lokomotiv" jamoasini g'alaba bilan tabriklayman. Raqib Superliganing etakchi klubi ekanini isbotladi, bu klub bir necha yillar davomida O'zbekiston chempioni bo'lgan, kubokni qo'lga kiritgan.

- Transfer oynasi paytida "Lokomotiv"da o'ynayotgan Igor CHikrizovni olib kelsa bo'lmaydimi?
- Qani endi shunday bo'lsa. "Lokomotiv" uni osongina qo'yib yubormasa kerak. Agar bizga kelsa xursand bo'lardik.

- Bugun "Lokomotiv"dan o'rganish kerak bo'lgan 3ta narsani ayta olasizmi?
- To'g'risi bugungi bahsni videosini tomosha qilib, kamchiliklarni bilib olamiz va ularni bartaraf etishga urinamiz. "Lokomotiv" jamoasi yaxshi ijrochilarga ega. Markaziy yarim himoyasidagi futbolchilar ancha yaxshi o'ynashdi. Mana shu o'yinchilar darajasiga chiqish uchun yigitlarimizni tayyorlab boramiz.

- Bugun "Aral Samali" safida bir o'yinchi sizning jahlingizni chiqardi. O'yinga tayyor bo'lmagani sezildi...
- Umumiy guruhdagi mashg'ulotlarda ancha yaxshi holatda edi. O'yindan oldin ham uning holatini so'radik, ammo tayyor emasligi ko'rinib qoldi va uni qayta o'zgartirishga majbur bo'ldik.

Muxlislarimizga rahmat aytmoqchiman. Ular har bir o'yinda bizni munosib qo'llab turishibdi. Keyingi o'yinlarda g'alaba qozonib muxlislarni xursand qilishga harakat qilamiz. Yigitlarimizni shunday qo'llab turishlarini so'rab qolgan bo'lardim.