Timur Turdiev "Birinchi bo'limda yigitlarda qandaydir qo'rquv hissi bor edi"

O'yin haqida

- "Turon" jamoasini g'alaba bilan tabriklayman. Bugungi o'yinda ikki bo'limda ikki xil o'yin ko'rdik. Birinchi bo'limda yigitlarda qandaydir qo'rquv hissi bor edi. Tez gol o'tkazib yuborish natijasida ruhiy bosimga uchradik. Ikkinchi bo'limda yigitlar o'ziga kelishdi. "Turon" Superliga ishtirokchisi, bu jamoa tarkibida tajribali futbolchilar bor.

- Jamoangizning standart vaziyatlarda faolligi yuqori bo'lishiga qaramasdan o'yin mobaynida yarim himoyachilar faollik ko'rsatishmadi...

- Biz qanotlarda faollikni oshirmoqchimiz, bu borada ishlayapmiz. Hozir jamoamiz mahalliy futbolchilar evaziga shakllantirilgan Superliga talabi darajasida tarkibimiz yo'q. Biz tarkibni kuchaytirish borasida harakat qilayapmiz.

- Birinchi bo'limning o'zida ikki o'zgarishni amalga oshirdingiz. Bunga qanday izox berasiz?

- Birinchi o'zgarish futbolchimiz oyog'ini noqulay bosib olgani uchun yuzaga keldi. Ikkinchi o'zgarish o'tgan o'yinda "Oq-tepa" bilan bo'lgan uchrashuvda jarohat olgan futbolchimiz o'zini zaxiraga olishni so'radi. Har ikki o'zgarishni ham majburiy tarzda amalga oshirdik.

- Tajribali hujumchi Nauriz Alimov nega zaxirada qoldirildi?

- Nauriz Alimov borasida bizda reja bor edi. Uni ikkinchi bo'limda tushirib o'yinni kuchaytirmoqchi edik. Uni birinchi bo'limdan tushirishga majbur bo'ldik. "Turon" yangi jamoa, kelajakda yaxshi natijalar qayd etishiga tilakdoshmiz.

- Aytib o'tganingizdek, uchrashuvning ikki bo'limi ikki xil ko'rinishda o'tdi. Tanaffusda shogirdlaringizni qanday ruhlantirdingiz?

- Ikkinchi bo'limda bir oz taktik o'zgarishlarga qo'l urdik. Bu o'z mevasini berib raqib darvozasini ishg'ol qildik.

- Jamoa lideri sifatida kimni ko'rsata olasiz?

- Jamoamizda bugun bir oz hadik bordek ko'rindi. Biz anchadan buyon Superliga jamoalariga qarshi o'ynamagan edik. Pro-ligada ham bu yil o'ynayapmiz. Superligani darajasi baribir boshqacha. "Turon" ikkinchi tarkib bilan emas, aralash tarkib bilan harakat qildi. Ularga g'alaba zarur ekanini bilardik, shu sabab ular tarkib borasida tavakkal qilishlariga xavf bor edi.