Timur Kapadze: “OCHLda g'olib bo'lamiz deb katta gapira olmayman”
18 fev 2017 07:00
Yangiliklar
![](https://championat.asia/upload/storage/240819_original.jpg)
![](/upload/storage/240819_220.jpg)
Timur Kapadze: “OCHLda g'olib bo'lamiz deb katta gapira olmayman”
Ushbu uchrashuv oldidan “Lokomotiv” klubi sardori Timur Kapadze o'z fikrlarini bildirdi.
“Avvalambor reja asosida ikkita xorijiy yig'in o'tkazdik. Ushbu xorij yig'inida 5-6 ta jamoalarga qarshi nazorat uchrashuvlarini o'tkazdik. OCHLning guruh bosqichidagi Saudiya Arabistonining “Al Taavon” klubiga qarshi ilk uchrashuvga yaxshi tayyorlandik, deb o'ylayman.
O'yinimizda qanday kamchiliklar borligini “Al Taavon”ga qarshi bahsdan so'ng bilib olamiz. Bizning birgina kamchiligimiz, o'yin amaliyotimiz kamligidi. CHunki hozir Saudiya Arabistoni chempionati ayni qizg'in pallaga kelgan. Biz esa ilk rasmiy o'yinimizni o'tkazamiz. Bu jamoa biz uchun yangi raqib, nafaqat biz uchun O'zbekiston uchun ham yangi jamoa.
Ularning 3 ta uchrashuvini ko'rib chiqdik, murabbiylar bizga ularni kuchli va kuchsiz taraflarini ko'rsatishdi. Umuman olganda o'z o'yinimizni ko'rsata olsak kerakli bo'lgan natija bilan qaytamiz. Taktikamizda o'zgarishlar deyarli bo'lgani yo'q.
OCHL musobaqasida rahbariyat oldimizga katta vazifa qo'ygan. Bu degani rahbarlar bizga ishonch bilan qarashmoqda. Biz ham mana shu ishonchga javoban vazifani uddalashga harakat qilamiz. To'g'ri biz g'olib bo'lamiz deb katta gapira olmayman. Buning uchun katta hajmdagi ishni olib boramiz. Har bir uchrashuvda g'alaba qozonishga va bosqichma-bosqich ko'tarilib borishga intilamiz. Oldimizdagi birinchi vazifa guruh bosqichidan chiqish”, - deydi “Lokomotiv” klubi sardori Timur Kapadze.
Jahongir Sotvoldiev
O’xshash yangiliklar
![AMP Logo](https://championat.asia/image/logo-amp.png)
Fikrlar