Timur Kapadze: "Bu guruhdan birinchi o'rin bilan chiqishimizga kuchimiz etadi"

O'zbekiston terma jamoasi sobiq futbolchisi va OTJ bosh murabbiyi Timur Kapadze O'zbekiston terma jamoasining Jahon chempionati saralashidagi raqiblariga o'z munosabatini bildirdi.

"Bu qurani intiqlik bilan kutdik. Birinchi o'rinda terma jamoamizga oxirgi bosqichda omad tilayman. Guruhga kelsak, yaxshi raqiblar ro'baro' keldi. Bundan ham kuchli terma jamoalar bo'lishi mumkin edi. Umuman olganda har tomonlama qulay qura bo'ldi deya olaman. Yutsa bo'ladigan jamoalar. Qatar bilan o'ynay olamiz, Eron bilan ham tengma-teng o'yin ko'rsatdik. BAA, Qirg'iz Respublikasi, KHDRni kuchini bilamiz. Terma jamoamiz guruhdan birinchi o'rin bilan chiqishiga kuchi etadi. Ularga faqat muvaffaqiyat tilaymiz",- deydi Timur Kapadze.