Timur Kapadze: ""Andijon II" haqli ravishda g'alabaga erishdi"

- O'yin haqida

- Avvalo, "Andijon II" jamoasini g'alaba bilan muborakbod etaman. O'yinimiz chiqmadi, gol urilgan holatda xatoga yo'l qo'ydik. Imkoniyatlar yaratishga harakat qildik, biroq juda qiynaldik. Umuman olganda, balki futbolchilarimiz mensimasdan harakat qilishdi, shekilli. "Andijon II" haqli ravishda g'alabaga erishdi. 

- Nima uchun ayrim asosiy futbolchilarni maydonga tushirmadingiz?

- O'yinlar va taqvimimiz zich. Terma jamoa yig'inini o'tkazdik, keyin safarlarimiz ko'p va toliqib qolyapmiz. SHu bois 6 nafar futbolchimizni Toshkentda qoldirdik. Biz har bir futbolchiga imkoniyat taqdim qilamiz, chunki ular o'sishi kerak. O'yinlar orqali tajriba orttirishadi. To'g'ri, xatolar uchrab turadi. Ammo xatolar ustida ishlaymiz, bu normal holat.

- "Olimpik" himoyachilari ko'p xato qilishdi...

- Ha, to'g'ri. Buni ustida ishlaymiz. Bu ruhiy va jismoniy holatga xos. Har bir o'yinni tahlil qilib, xulosa chiqaramiz.

- Bugun boshqacha "Olimpik"ni ko'rdik. Kubok bahslariga jiddiy qaralmaydimi?

- Yo'q, harakat qilib, tayyorgarlik ko'rdik. Men ham kecha kechqurun keldim, Pro licenziyaga o'qiyotganlarning imtihoni bo'lgandi. Nima bo'lishidan qati nazar, yigitlar bundan ham yaxshi o'ynay olishiga ishonaman. Hozir bir narsa deyish qiyin. Hammasiga oydinlik kiritamiz. 

- "Andijon II" azolaridan kimni ajratib ko'rsatgan bo'lardingiz?

- Jamoa uzatmalar orqali harakat qildi, qaerdadir fol ishlashga urindi, yaxshi imkoniyatlarga ega bo'ldi. Oldingiz chiziqdagi hujumchi yaxshi harakat qildi. Ularning uslubi ko'proq uzatmalar orqali tashkil qilindi. Kimnidir ajratib ko'rsatish qiyin.