Terma jamoa. Katanec necha pullik murabbiy?

Pul odamlar uchun har doim qiziq. Ayniqsa, futbol ichida aylanayotgan raqamlar. Masalan, terma jamoaning yangi bosh murabbiyi qancha maosh oladi? 

Xabaringiz bor, "Insayder" 3 iyul kuni milliy jamoamizning sobiq ustozi Vadim Abramovning oyiga 250 million so'm ish haqi olgani to'g'risida malumot bergandi. Abror Imomxo'jaevning Championat.asia'ga malum qilishicha, mazkur mutaxassisning "Bunyodkor"dagi maoshi 60-65 million so'm atrofida bo'lgan.

Tabiiyki, xorijlik mutaxassislarning talablari nisbatan yuqori bo'ladi. O'FA kelasi hafta Katanec bilan muzokaralarning yakuniy bosqichini boshlaydi. Sloveniyalik mutaxassisning Toshkentga kelishi kutilyapti. Uning O'zbekistonda qancha ishlab topishi haqida hozircha malumot yo'q. Ammo, mutaxassisning so'nggi ish joyi — Iroqdagi ish haqini bilamiz. Katanecning Yaqin SHarqdagi yillik maoshi 1,2 mln evroga teng edi (oyiga 1 mlrd 250 mln so'm atrofida). Yurtimizda ishlash uchun ham taxminan shuncha summa talab qilsa kerak.

Solishtirish uchun yana bir qancha raqamlarni keltiramiz. 

2018 yil holati

Fors futboli rivojiga ulkan hissa qo'shgan Karlos Keyrushning Erondagi yillik maoshi 2 mln evroga teng edi.

Misrni 28 yillik tanaffusdan keyin JCHga olib chiqqan Ektor Kuperning yillik maoshi 1,5 mln evroga teng edi.

Xorvatiyani mundial finaliga olib chiqqan Zlatko Dalichning yillik maoshi 550 ming evroga teng edi.

Ayni paytda Saudiya Arabistonida faoliyat yuritayotgan Evre Renar Marokash termasini Rossiyadagi mundialga olib chiqqanida yiliga 780 ming evro maosh olardi.

2020-21 yil holati

"Lill"ni Franciya chempioni qilgan Kristof Galtening yillik maoshi 1,5 mln evroga teng edi.

Xorvatiya terma jamoasi ustozi Zlatko Dalich ayni paytda 700 ming evro evaziga ishlayapti.

Ukraina termasi ustozi Andrey SHevchenko yiliga 360 ming evro ishlab topadi.

Turkiya termasini boshqarayotgan SHenol Gyunesh 1 yilda 3 mln evro daromad qiladi.

"Paxtakor" niderlandiyalik Piter Xyuistraga yiliga 350 ming dollar maosh to'laydi.

Srechko Katanecning O'zbekiston termasiga qarshi statiskasi qanday?