Ten Xag "Barsa" va "Nyukasl"ga qarshi bahslardan oldin Fergyuson bilan suhbatlashdi

MYUning hozirgi va sobiq muabbiylarini dushanba kechasida Uilmslouda joylashgan Cibo nomli italiyan restoranida birga ko'rishgan. "Yunayted" joriy hafta ikkita muhim bahsda ishtirok etadi - "Barselona"ga qarshi Evropa ligasi javob o'yini va "Nyukasl" bilan Angliya liga Kubogi finali.

Ten Xag ushbu uchrashuvga quyidagicha izoh berdi:

"Katta bilim va tajribaga ega bo'lgan insonlar bilan suhbatlashishni yaxshi ko'raman. U yordam berishni va qo'llab-quvvatlashni xohladi.

"Manchester Yunayted" - uning klubi ekanligini his qildim. Fergyuson klubga vafodor va MYUda doimo hammasi yaxshi bo'lishini xohlaydi. Kecha ajoyib o'tdi, intiqlik bilan keyingi uchrashuvni kutaman" - deydi ten Xag.