Temur Turdiev: "SHunchaki, mag'lub bo'ldik"

Uchrashuvdan keyin mehmonlar bosh murabbiyi Temur Turdievning fikrlari bilan qiziqdik.

- O'yin teng o'tdi, deb bemalol ayta olaman. Bunday bahslarda uchrashuv taqdirini birgina gol hal qiladi. Kecha ham shunday bo'ldi. Mezbonlar o'z imkoniyatlarining bittasini golga aylantirdi, biz aksincha, vaziyatlardan foydalana olmadik. Natijada mag'lubiyatga uchradik. Aytishim mumkin, kechagi bahsda shogirdlarimning harakatlaridan qoniqish hosil qildim. SHunchaki, mag'lub bo'ldik.

Voha safari davomida har ikkala bellashuvda ham yutqazdik. Lekin men bu bilan raqiblarimizni juda kuchli demagan bo'lardim. SHunchaki, ular gol urishdi. Qolaversa, birinchi o'yinda taktik xatoga yo'l qo'ydik. Oqibatda hisob yirik ko'rinish oldi. Ikkinchi bahsda esa, aytganimdek, bittagina gol o'yin taqdirini hal qildi, - deydi Turdiev.

Furqatbek Nishonov