Temur Kapadze: "Lokomotiv" o'z oldiga yuksak maqsadlarni qo'yadi"

Tanishtiruv marosimidan so'ng tajribali yarim himoyachi o'z fikrlarini bildirib o'tdi.

"Lokomotiv" doim o'z oldiga yuksak maqsadlarni qo'yadi. Tarkibga yaxshi futbolchilar qo'shilishdi. Qolgan futbolchilar ham yaxshi saviyadagi o'yinchilar hisoblanishadi. Xudo xohlasa biz o'z oldimizga qo'ilgan maqsadimizga etishamiz. Vadim Abramov bilan bir necha yillardan buyon birga ishlab kelayapmiz. Uning tajribasi juda katta. Bu murabbiy boshchiligida yaxshi natijalarga erisha olamiz deb o'ylayman", - deydi Temur Kapadze.

"Osiyo chempionlar ligasi va Evropa ligasini solishtirish? Baribir Evropada o'yin biroz tezroq kechadi. Lekin OCHL saviyasi yildan-yilga o'sib bormoqda. Bu musobaqada ishtirok etuvchi kuchli legionerlar ko'paymoqda. Uzoqqa bormaylik, raqibimiz “Al Hilol” o'z tarkibiga Greciya terma jamoasi hujumchisi Georgios Samarasni qo'shib oldi. Bir so'z bilan aytganda saviya yaxshi darajada", - deb o'z fikrlarini yakunladi Temur Kapadze.


Narzulla Saydullaev yozib oldi