Timur Kapadze Jasur Jaloliddinov haqida: "U hali terma jamoamizga va futbolimizga ko'p foyda keltiradi"
29 may 2021 13:33
Yangiliklar
![](https://championat.asia/upload/storage/639705_original.jpg)
![](/upload/storage/639705_220.jpg)
Timur Kapadze Jasur Jaloliddinov haqida: "U hali terma jamoamizga va futbolimizga ko'p foyda keltiradi"
Ikkita o'yinda ikkita gol urgan Jasur Jaloliddinov musobaqaning eng yaxshi futbolchisi deb topildi. Futbolchi Ozarbayjon va Ukraina jamoalari darvozasini ishg'ol qildi. So'nggi paytlarda qiyin kunlarni boshidan kechirayotgan iqtidorli yarim himoyachining sekin-asta sport formasiga qaytayotgani quvonarli holat albatta. Biz Jaloliddinovning holati bo'yicha O'zbekiston U-21 terma jamoasi bosh murabbiyi Timur Kapadze fikrlarini bildirib o'tdi.
"Jasurni salohiyati yuqori. Iqtidori bor. Sport formasi ham ancha yaxshi holatga kelmoqda. Muhimi o'ziga bo'lgan ishonchi qaytayotgani. Bu albatta yaxshi. O'ylaymanki, hamma narsa o'zining qo'lida. To'xtab qolmasdan ishlashda davom etishi kerak. Qanchalik iqtidorli bo'lmasin, o'z ustida professional tarzda ishlamasa ortda qolib ketadi. Jasur buni yaxshi tushunib turibdi. To'g'ri qiyinchiliklarga duch keldi. "Lokomotiv"da o'yin amaliyotisiz qolib ketdi. Hozirda "Andijon"da to'p tepib holatini yaxshilamoqda. U hali kelajakda terma jamoamizga va futbolimizga ko'p foyda keltira oladi",- deydi Timur Kapadze.
O’xshash yangiliklar
![AMP Logo](https://championat.asia/image/logo-amp.png)
Fikrlar