Tayyorlov guruhlari. 2000/2001 yillar. “Nasaf” - O'zbekiston Birinchiligi g'olibi bo'ldi!
14 noy 2016 22:41
Yangiliklar
![](https://championat.asia/upload/storage/227728_original.jpg)
![](/upload/storage/227728_220.jpg)
Tayyorlov guruhlari. 2000/2001 yillar. “Nasaf” - O'zbekiston Birinchiligi g'olibi bo'ldi!
Bugun Eldor Moyliev qo'l ostidagi 2000/2001 yillarda tavallud topgan futbolchilarimizdan iborat “Nasaf” jamoasi finalda “Bunyodkor” klubi tarbiyalanuvchilari bilan kuch sinashdi.
Uchrashuv finalga xos tarzda keskin kurashlar ostida kechdi. O'yindagi hisob jamoamiz tomonidan birinchi bo'lim tugallanib borayotgan paytda Behro'z Ravupov tomonidan ochildi – 1:0. SHu hisobda jamoalar tanaffusga chiqib ketishdi.
Ikkinchi bo'lim ham murosasiz va keskin kurashlar ostida kechdi. “Bunyodkor” jamoasi ikkinchi bo'limda 11 metrlik jarima to'pi tepish huquqini qo'lga kiritdi. Ular bu imkoniyatdan to'liq foydalanishib, oradagi hisobni tenglashtirishga erishdi – 1:1. Oradan 15 daqiqalar o'tib, yosh futbolchilarimizning g'alabaga bo'lgan ishtiyoqi o'z samarasini berdi. Jamoamiz vakili Sardor To'raev gol muallifiga aylandi – 2:1.
Qolgan daqiqalarda har ikkala jamoada qo'lay vaziyatlar yaratilgan bo'lsada, gol urish hech kimga nasib etmadi.
SHunday qilib, Eldor Moyliev shogirdlari bo'lmish 2000/2001 yillarda tavallud topgan futbolchilardan iborat jamoamiz Respublika Birinchiligining g'olibi bo'lishdi.
Bundan albatta klubimiz qoshidagi futbol maktabida ishlar to'g'ri yo'lga qo'yilgani va bu yutuqni futbol maktabimiz rahbari bilan birga murabbiylarimizning olib borayotgan ishlarining ijobiy mevasi sifatida etirof etish joiz.
Final
“Nasaf” (Qarshi) - “Bunyodkor” (Toshkent) 2:1
Uchinchi o'rin uchun uchrashuvda “Paxtakor” jamoasi “Mashal”ni mag'lub etdi.
Musobaqa yakunida g'oliblar munosib taqdirlanishdi.
O’xshash yangiliklar
![AMP Logo](https://championat.asia/image/logo-amp.png)
Fikrlar