Tartib-intizom qo'mitasi qarorlari

Oliy Liga
Paxtakorga qarshi 9-tur uchrashuvida raqibi yuziga haddan tashqari kuch bilan zarba bergani uchun maydondan chetlatilgan Navbahor himoyachisi Yuriy Rijko 2ta uchrashuvga diskvalifikaciya qilindi va jarimaga tortildi.

O'zbekiston Kubogi
Nasafga qarshi nimchorak final dastlabki uchrshauvida o'yin to'xtatilgan vaqtda raqibi yuziga zarba bergani uchun maydondan chetlatilgan Andijon yarim himoyachisi Ibrohim Otaxonov 3ta uchrashuvga diskvalifikaciya qilindi va jarimaga tortildi.

Xotira-79ga qarshi nimchorak final dastlabki uchrashuvida raqib jamoa murabbiyiga qarata stadionda tartibsizliklar keltirib chiqarishi mumkin bo'lgan ishora qilgani uchun maydondan chetlatilgan Oqtepa murabbiyi Anatoliy Kurlaev 4ta uchrashuvga diskvalifikaciya qilindi.

Oqtepaga qarshi nimchorak final dastlabki uchrashuvida hakam shaniga nomaqul fikrlar bildirgani uchnu maydondan chetlatilgan Xotira-79 jamoasi boshlig'i Ilhom Otavaliev 3ta uchrashuvga diskvalifikaciya qilindi.

Olmaliqga qarshi nimchorak final javob uchrashuvida raqibi oyog'iga haddan tashqari kuch bilan zarba bergani uchun maydondan chetlatilgan Qizilqum yarim himoyachisi Samandar SHodmonov 2ta uchrashuvga diskvalifikaciya qilindi va jarimaga tortildi.

Istiqlolga qarshi nimchorak final javob uchrashuvida o'yin to'xtatilganidan so'ng raqibiga qo'l bilan zarba bergani uchun maydondan chetlatilgan Navbahor darvozaboni Xurshid Xo'jaev 3ta uchrashuvga diskvalifikaciya qilindi.

Birinchi Liga
SHerdorga qarshi birinchi bosqich 8-tur uchrashuvida maydondan chetlatilgan G'ijduvon yarim himoyachisi Fayoz Ergashev 3ta uchrashuvga diskvalifikaciya qilindi.

SHerdorga qarshi birinchi bosqich 9-tur uchrashuvida tajovuzkor xulqi uchun maydondan chetlatilgan Registon yarim himoyachisi Olim Ergashev 4ta uchrashuvga diskvalifikaciya qilindi.

Xotira-79ga qarshi birinchi bosqich 9-tur uchrashuvida o'yin qoidalarini jiddiy ravishda buzgani uchun maydondan chetlatilgan CHust-Paxtakor himoyachisi Ilmitdin Mamatboqiev 3ta uchrashuvga diskvalifikaciya qilindi.

Paxtakor-2ga qarshi birinchi bosqich 9-tur uchrashuvida tajovuzkor xulqi uchun maydondan chetlatilgan Obod darvozaboni Bekzod Omonullaev 3ta uchrashuvga diskvalifiakaciya qilindi.

SHo'rtanga qarshi birinchi bosqich 9-tur uchrashuvida hakam shaniga nomaqul fikrlar bildirgani uchun maydondan chetlatilgan SHerdor himoyachisi Ozod Tursunov 2ta uchrashuvga diskvalifikaciya qilindi va jarimaga tortildi.