Tachmurod Agamurodov: Dinamo oxirigacha kurashadi – so'nggi tur barcha uchun o'ta muhim
27 noy 2019 19:45
Yangiliklar
![](https://championat.asia/upload/storage/531080_original.jpg)
![](/upload/storage/531080_220.jpg)
Tachmurod Agamurodov: Dinamo oxirigacha kurashadi – so'nggi tur barcha uchun o'ta muhim
- O'ylaymanki, bugun yigitlarimiz juda katta ishtiyoq evaziga g'alaba qozona olishdi. Orqaga yo'l yo'q edi. Meni quvontirayotgani, jamoa tobora o'z o'yinini topayotganligidir. To'g'ri biz Bekobodda yirik mag'lubiyatga uchragandik, ammo aslida bunga munosib emasdik. Bugun esa yigitlar oxirigacha kurashishdi. Fikrimcha, biz to'g'ri yo'ldamiz.
- Tarkibda katta o'zgarishlar kuzatildi. Alamxonov, Nasimov, Ergashev maydonga tushmadi. Bu so'nggi o'yindagi yirik hisob bilan bog'liq edimi?
- Botirali jarohati bois bizga yordam bera olmadi. SHunga qaramay, bugun maydonga tushgan barcha futbolchilarimiz oxirigacha bor kuch va imkoniyatlarini ishga solib, g'alaba qozonishdi.
- Bugun “Dinamo”da ruhiy tayyorgarlik juda kuchli bo'lganligini ko'rdik, jamoa ajoyib o'yin namoyish etib, o'z vaqtida o'yinga qayta oldi va g'alaba qozondi. Keyingi o'yinda “Nasaf” bilan juda muhim uchrashuv kutib turibdi...
- Bizda Superligada qolish uchun imkoniyat bor ekan, oxirigacha kurash olib boramiz. Yigitlarimiz ham barchasini tushunib turishibdi. Imkoniyat bor ekan, biz kurashishda davom etamiz. So'nggi tur biz uchun ham, boshqalar uchun ham juda muhim.
- Siz o'zbek futbolida sovrinlar yutishga o'rgangan murabbiysiz. Aytingchi, jamoani ligada olib qolish vazifasi ham sizga qandaydir motivaciya bera oladimi?
- Bilasizmi, 2015 yilda juda og'ir vaziyatda ikkinchi davrada “Buxoro” jamoasini ligada olib qolganim, men uchun chempionlikdan ham muhimroq edi. CHunki, o'shanda biz imkoni yo'qdek ko'ringan ishni amallagandik. Bu safar endi “Dinamo”ni olib qolishga intilamiz. Agar, “Dinamo”ni ligada olib qolsak, bu shaxsan men uchun juda qimmatli g'alaba bo'ladi.
O’xshash yangiliklar
![AMP Logo](https://championat.asia/image/logo-amp.png)
Fikrlar