Tachmurat Agamurodov: “Jamoamiz uchun har bir ochko qadrli”
02 okt 2019 15:59
Yangiliklar
![](https://championat.asia/upload/storage/521375_original.jpg)
![](/upload/storage/521375_220.jpg)
Tachmurat Agamurodov: “Jamoamiz uchun har bir ochko qadrli”
"Jamoamiz uchun ayni paytda Superligadagi o'rnini saqlab qolish uchun har bir ochko qadrli. “Navbahor” esa sovrinli o'rinlar uchun kurash olib borayotgan klub. SHu bois, biz mazkur bahsda himoyaviy o'yin namoyish etishni rejalashtirgandik. Afsuski, niyatimizga etolmadik. SHunday bo'lsa-da, yigitlarga maydonda barcha imkoniyatlarini ishga solishgani uchun minnatdorchilik bildiraman.
“Navbahor”ni esa g'alaba bilan tabriklayman va keyingi bahslarda namanganliklarga omad yor bo'lishini tilayman. Ushbu jamoalarning birinchi davrada Samarqandda bo'lib o'tgan o'yinini tomosha qildim. Haqiqatdanam o'sha bahs juda qiziqarli tarzda kechgan ekan. Biroq, takidlaganimdek, biz uchun har ochko ayni paytda “oltin”ga teng. SHu bois, Namanganda ochiq o'yin namoyish etolmasdik. Biz bu erga ochko olish uchun kelgandik. Ammo niyatimizga etolmadik. Lekin hali hech narsa yo'qotilmadi hamda “Dinamo” Superligada “jon saqlab qolish” uchun oxirigacha kurash olib boradi. Bunga jamoamizda nazariy jihatdan imkoniyat bor va biz undan maksimal darajada foydalanishga intilamiz. SHogirdlarim qolgan o'yinlarda ham maydonda bugungidek bor kuchlari bilan harakat qilishsa, oldimizga qo'yilgan maqsadni amalga oshiramiz, degan umiddaman. Meni “Dinamo”ga jamoani Superliga olib qolish uchun taklif qilishgan. To'g'ri, jamoamiz hozir qiyin ahvolda. Bundan tashqari, keyingi uchrashuvlardagi raqiblarimiz ham anoyi emas. Lekin yomon askargina general bo'lishni orzu qilmaydi. SHuning uchun o'z niyatimizni amalga oshirish uchun bor imkoniyatimizni ishga solamiz", - deydi Tachmurad Agamuradov.
O’xshash yangiliklar
![AMP Logo](https://championat.asia/image/logo-amp.png)
Fikrlar